Qazaqstandyqtar atyna neshe telefon nómiri tirkelgenin teksere alady

Qazaqstandyqtar atyna neshe telefon nómiri tirkelgenin teksere alady Sýret: ınternetten

Bul týraly Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev aıtty.

Egov-ta bir JSN boıynsha tirkelgen uıaly telefon nómirleriniń sanyn tekserýge arnalǵan jańa qyzmet qosyldy, dep habarlaıdy aqshamnews.kz

Mınıstrdiń aıtýynsha, bul múmkindik SIM-kartany zańsyz tirkeý is-qımyldarymen kúresýge jaǵdaı jasaıdy.

"Endi eGov júıesinde ózińizdiń JSN-di engizý arqyly atyńyzǵa neshe uıaly telefon nómiri tirkelgenin ońaı tekserýge bolady. Eger naqty paıdalanyp otyrǵan nómirler boıynsha sáıkessizdik bolsa, onda uıaly baılanys operatoryna dereý habarlasyp, qalǵandaryn buǵattaı alasyz", - dedi vedomstvo basshysy parlament májilisinde tilshiler suraǵyna jaýap bere otyryp.

Sondaı-aq basylymnyń jazýynsha, Jaslan Mádıev bir adamǵa satylatyn SIM-kartanyń sanyn shekteýge qatysty túsinik bergen.

Mınıstrdiń sózinshe, bastama qazir májiliste talqylanyp jatyr.

"10 SIM-kartadan artyq alsa, júıede qaı maqsatpen bul SIM-kartalardy paıdalanatyny aıqyndalady. Keıbir kompanıalar 100 shaqty SIM-kartany satyp alyp, bir qolǵa beretinin bilemiz", - dedi Mádıev.

Onyń aıtýynsha, osy problemamen kúresý úshin mınıstrlik tıisti usynystar daıyndaǵan.

"Uıaly baılanys operatorlarynda nómirlerdi basqa maqsatta paıdalanyp jatqanyn anyqtaıtyn múmkindikteri bar. Máselen, SIM-kartany tek avtokólikte paıdalanýǵa alyp, osy nómirdi basqa maqsatta qoldanyp júrse, ony trafık boıynsha anyqtaý ońaı. Maqsatsyz paıdalanǵany úshin jaýapkershilik qarastyralady, aıyppul sanksıasy engizilýi múmkin", - dedi Jaslan Mádıev.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

18:16

17:22

16:17

15:30

15:10

14:49

14:38

14:30

14:15

13:36

12:34

10:56

10:30

10:06

10:05

18:57

17:50

17:26

16:55

16:49

16:33

15:15

14:41

14:31

14:28