Sátbaev kóshesi, 4a mekenjaıyndaǵy Juz kafesiniń janyndaǵy qurylys ruqsat qujattarynsyz salynǵan. Sonymen qatar, ol erekshe qajettilikteri bar adamdarǵa arnalǵan pandýsty qosyp alyp, jalpy aýmaqta ornalasqan. Bul týraly Almatynyń qala qurylysyn baqylaý basqarmasynan habarlady.
2024 jylǵy 4 qazanda jospardan tys tekserý barysynda «ALMA Construction and Design» JSHS jalǵa alýshysyna qatysty turǵynnyń ótinishi negizinde basqarma ákimshilik quqyq buzýshylyq jónindegi mamandandyrylǵan aýdanaralyq sotqa materıaldardy jiberdi ári ákimshilik sharalar qabyldady.
2024 jylǵy 22 qarashada sot zańsyz turǵyzylǵan qurylystardy buzý týraly qaýly shyǵardy jáne bir aıdan keıin, 27 jeltoqsanda Almaty qalalyq sotynyń qaýlysymen birinshi satydaǵy sheshim ózgerissiz qaldy.
Buzý búgin qalanyń Ádilet departamentiniń sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda 2023 jyldyń basynan beri 70 zańsyz nysan, onyń ishinde «Mechta», KHAN jáne basqa da turǵyn úı keshenderi tolyǵymen nemese ishinara buzylǵan.