İshki ister mınıstri Erjan Sádenovtiń aıtýynsha, kelisimge prezıdenttiń Armenıaǵa 2024 jylǵy sáýirdegi resmı saparynda qol qoıylǵan, dep habarlaıdy aqshamnews.kz
Buryn mundaı ereje tek Reseı men Qyrǵyzstanǵa barý úshin jaramdy bolatyn.
Parlament Májilisi Qazaqstan Úkimeti men Armenıa Úkimeti arasyndaǵy azamattardyń saparlary men bolý tártibi týraly kelisimdi ratıfıkasıalaý týraly zańdy qabyldady, dep habarlaıdy Azattyq Rýhy.
«Qujatqa sáıkes, memleket azamattarynyń elde 30 kún bolǵannan keıin polısıada tirkelý mindeti engizilip otyr. Qazir olar polısıaǵa barmaı 90 kún bola alady. Bul normany engizý kóshi-qon baqylaýynyń tıimdiligin arttyrady. Sondaı-aq kelisimde ulttyq zańnamalarǵa sáıkes 90 kúnnen astam elde bolý merzimin uzartý múmkindigi kózdelgen. Ýaqytsha turýǵa ruqsat alý jetkilikti. Osylaısha, eki jaq úshin vızalyq rejım joıylady. Bul azamattardyń elderge kelý kezinde shyǵyndaryn azaıtady», - dedi Sádenov.
Sonymen qatar elge kirý úshin qajetti quraldar tizbesine mynalar engiziledi:
Armenıa azamattary úshin sáıkestendirý kartasy;
Qazaqstan azamattary úshin jeke kýálik.
Osylaısha, qazaqstandyqtar Armenıada ishki qujatpen júre alady. Buryn mundaı erejeler tek Reseı men Qyrǵyzstanǵa barý úshin jaramdy bolatyn
«Osyndaı tájirıbe bar. Qazaqstan azamattary jeke kýálikpen Reseı men Qyrǵyzstanǵa erkin kire alatyn. Bul shara kelý jáne bolý tártibin jeńildetedi. Sodaı-aq pasport rásimdeý shyǵynyn azaıtady»,- deıdi vedomstvo basshysy.
İİM basshysynyń aqparatynsha, jyl basynan beri Qazaqstanǵa Armenıanyń 12 myńǵa jýyq azamaty kelgen.
Armenıa tarapy kelisimdi byltyr 15 qarashada ratıfıkasıalaǵan.