Ulttyq statısıka búrosy qazaqstandyqtardyń uıqyǵa, jumysqa, tamaqqa jáne demalysqa qansha ýaqyt jumsaıtynyn eseptedi, dep habarlaıdy aqshamnews.kz
2024 jyl ishinde (qańtardan jeltoqsanǵa deıin) Ulttyq statısıka búrosy "Halyqtyń ýaqyt búdjetin paıdalanýy" birjolǵy modýldik zertteýin júrgizdi. Saýalnamanyń maqsaty – halyqtyń óz ýaqytyn paıdalanýy týraly aqparat alý, jumys pen jeke ómir arasyndaǵy tepe-teńdikti, ómir saltyndaǵy ózgeristerdi anyqtaý. 2024 jyly oǵan 10 jáne odan joǵary jastaǵy 11 914 respondent qatysty.
Zertteý nátıjeleri boıynsha qazaqstandyqtardyń (10 jastan asqan) ortasha alǵanda táýliktiń 54,2% (13 saǵat) jeke kútimge (uıqy – 9 saǵat 26 mınýt), tamaq pen sýsynǵa – 1 saǵat 57 mınýt, jeke gıgıena jáne kútim – 1 saǵat 27 mınýtyn jumsaıdy. Al qalǵan ýaqytynyń:
12,2% (2 saǵat 56 mınýt) ýaqytyn jumysqa (jumyspen qamtýǵa),
13,5% (3 saǵat 14 mınýt) – úı sharýashylyǵyn júrgizýge,
2% (28 mınýt) - oqýǵa,
0,8% (12 mınýt) – jeke paıdalaný úshin taýarlar óndirýge jumsaıdy,
al qalǵan 17,3% (4 saǵat 9 mınýt) – bos ýaqyt.
15 jastan asqan er adamdar kúnine orta eseppen 5 saǵat 13 mınýt jumys isteıdi, áıelder úshin bul kórsetkish 4 saǵat 18 mınýtty quraıdy. Alaıda, áıelderde úı sharýashylyǵyn júrgizý er adamdarǵa qaraǵanda (1 saǵat 51 mınýt) uzaǵyraq ýaqyt alady (4 saǵat 5 mınýt). Er adamdardyń áıelderge qaraǵanda bos ýaqyty shamamen 2 ese kóp - sáıkesinshe 4 saǵat 4 mınýt jáne 2 saǵat 56 mınýt.
Jumyspen qamtylǵan er adamdar jumysqa orta eseppen 9 saǵat 7 mınýt, áıelder 7 saǵat 57 mınýt jumsaıdy, bos ýaqytqa sáıkesinshe 2 saǵat 31 mınýt jáne 1 saǵat 50 mınýt qalady.
Zertteý 6 jylda bir ret júrgiziledi.
Aıta ketsek, 2024 jyly qaldyqtar kólemi 11,4% ósti. Bul jaıly búgin, 2025 jylǵy 6 mamyrda QR Ulttyq statısıka búrosynyń baspasóz qyzmeti málimdedi.