Taılandtyń jergilikti aqparat quraldary jyldam júzetin qaıyq Phýket jaǵalaýynda apatqa ushyraǵanyn jazdy.
Bortta 30-ǵa jýyq adam bolǵan, olardyń arasynda Qazaqstan, Reseı, Qytaı jáne Ýkraına azamattary bar, dep habarlaıdy Almaty-akshamy.kz.
Ulysmedia.kz-tiń málimetinshe, Qazaqstannyń Syrtqy ister mınıstrligi oqıǵa kezinde qaıyqta tórt qazaqstandyq áıel bolǵanyn túsindirdi.
«Olardyń úsheýi medısınalyq kómekke muqtaj. Dárigerler teksergennen keıin eki jerlesimiz aýrýhanaǵa jatqyzyldy. Jaǵdaılary turaqty, densaýlyqtary men ómirlerine eshqandaı qaýip tónip turǵan joq», - dedi SİM.
Barlyq shyǵyndy qaıyqty ıelenetin kompanıa tóleıdi. Bizdiń konsýl zardap shekken qazaqstandyq áıeldermen turaqty baılanysta.
Aıta keteıik, buǵan deıin Taılandta qazaqstandyq týrıstiń jónsiz áreketi úshin ustalǵany habarlanǵan bolatyn.