Kezdesý barysynda jańartylatyn energıa kózderi salasyndaǵy jobalardy iske asyrý máseleleri talqylandy, dep habarlaıdy Almaty-akshamy.kz.
Qytaıdyń iri energetıkalyq kompanıalarynyń qataryna kiretin State Power Investment Corporation Qazaqstannyń jasyl energetıka salasyndaǵy jobalaryna belsendi túrde ınvestısıa quıady.
Qasym-Jomart Toqaev kompanıanyń Jambyl oblysynda qýaty 1 GVt bolatyn aýqymdy jel elektr stansıasyn salý jónindegi bastamasyn qoldady.
Prezıdentke State Power Investment Corporation kompanıasynyń Qazaqstanda jel elektr stansıalaryna arnalǵan qural-jabdyq óndirisin iske qosý nıeti týraly málimet berildi. Óz kezeginde Sán Chjımın áleýmettik jaýapkershilik aıasynda onyń kompanıasy Qazaqstannyń ońtústiginde qýaty 200 GKallǵa deıin jetetin jylý stansıasyn salýdy josparlap otyrǵanyn jetkizdi. Sonymen qatar kezdesýde State Power Investment Corporation kompanıasynyń tehnologıalyq jáne ǵylymı-zertteý tájirıbesi mol ekeni eskerilip, «jasyl» sýtegi óndirisi salasyndaǵy yntymaqtastyq perspektıvalary qarastyryldy.