Azıa ústel tenısi odaǵy (ATTU) Qaraǵandydan shyqqan Tımýr Qojaqaevtyń ATTU tehnıkalyq jáne tóreshiler komıtetiniń múshesi bolǵanyn Qazaqstan federasıasyna habarlady.
Bul qazaqstandyq tóreshiniń joǵary biliktiliginiń aıqyn dáleli, dep habarlaıdy aqshamnews.kz UOK-ke silteme jasap.
Komıtettiń negizgi mindetterine mynalar kiredi:
- Azıa kýbogy, Azıa chempıonaty, sondaı-aq ATTU uıymdastyratyn týrnırler men jarystarǵa tóreshilerdi irikteý;
- Tóreshilerdi daıarlaý jáne olardyń biliktiligin arttyrýdy uıymdastyrý;
- Azıada tóreshilermen jumys isteý úshin nusqaýshylardy daıyndaý;
- Tóreshilerge arnalǵan semınarlar ótkizý, ádistemelik jáne oqý-keńes berý jumystaryn júzege asyrý.
Aıta keteıik, Tımýr Qojaqaev – elimizdegi jalǵyz Blue Badge sanatyndaǵy halyqaralyq tóreshi. Bul sanat oǵan álem, Azıa, Eýropa chempıonattarynyń sheshýshi kezeńderinde jáne Olımpıada oıyndarynda tóreshilik etýge múmkindik beredi.