Tenısten Qazaqstan komandasy tarıhta alǵash ret Chehıadaǵy jasóspirimder arasyndaǵy álem chempıonatynyń jartylaı fınalyna shyqty. Ol Slovenıany 2:0 esebimen jeńdi.
Komanda kapıtany Sergeı Kvak bastapqy oıynǵa taǵy da Danıel Tazabekovty qoıdy jáne ol kezekti ret senimdi aqtady, dep habarlaıdy Almaty-akshamy.kz Ulttyq Olımpıada komıtetiniń saıtyna silteme jasap.
Svıt Sýlıchke qarsy oıynda Danıel salqynqandylyq tanytty. Birinshi set 4:6 esep utylǵanyna qaramastan, ekinshi partıada Tazabekov tez arada oıynǵa qaıta oralyp, taı-breıkte qarsylasyn qyspaqqa aldy esep- 7:6 (8:6).
Sheshýshi úshinshi partıada Danıel birden 4:1 esebimen alda boldy. Altynshy geımde sportshy Sýlıch medısınalyq taım-aýt ýaqytyn aldy. Keıin jas qazaqstandyq óz shabýylyn jalǵastyryp, oıyndy 6:2-ge senimdi jetkizdi.
Odan keıin alańǵa óz quramalarynyń alǵashqy nómirleri – Zańǵar Nurlanuly men Jıga Sheshko shyqty. Birinshi set Zangarda qaldy-6: 4. Ekinshi partıanyń basynda qarsylastar breıktermen almasty, biraq Sheshkonyń kúshi sál saıabyrlady, keıin Zangar setti senimdi túrde, al odan keıin machty – 6:4, 6:3. esebimen jeńdi.
Búgin, 5 tamyzda álem chempıonatynyń jartylaı fınalynda bizdiń jasóspirimder Germanıa quramasymen talasady.