Budan bylaı kıberalaıaqtardyń jasyryn nómirleri, ornalasqan jeri, paıdalanatyn mobıldik qosymshalary anyqtalady.
Baılanys operatorlarymen kelisimshart jasaldy. Internet-alaıaqtyqtyń aldyn alý úshin, İshki ister mınıstrligi men Sıfrlyq damý mınıstrligi birlesken sharalardy iske asyrmaq, dep habarlaıdy Almaty-akshamy.kz.
«Kóbine alaıaqtar shetelden bolady. Olarǵa óz otandastarymyz kómektesip jatady», - deıdi Sıfrlyq damý mınıstri Baǵdat Mýsın.
Aıta ketsek, 2016 jyly 1000 kıberqylmys tirkelse, byltyr 21 myń, al bıyl jarty jylda 11 763 qylmys anyqtalǵan.
«Buǵan pandemıa men shekteý sharalary jáne onlaın satyp alý áser etip otyr», - deıdi mamandar. Internet-alaıaqtardyń kesirinen 7 mlrd teńge shyǵyn kelip, 17 uıymdasqan top ustalǵan.
«Biz óz tarapymyzdan baılanys operatorlarymen birlesip, osy máseleni sheshý joldaryn qarastyrý arqyly nátıjege qol jetkizdik. Qazirgi kezde baılanys operatorlary, ıaǵnı «Kcell», «Tele2» telekomýnıkasıa operatorlarynyń arasynda telekomýnıkasıa jelilerinde ruqsat etilmegen qyzmetti, onyń ishinde alaıaqtyq áreketterdi boldyrmaý boıynsha yntymaqtastyq týraly kelisimge qol qoıyldy», - deıdi QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.