Beıbit Jýkaev qazir 394-satyda.
Denıs Evseev pen Beıbit Jýkaev álemdik reıtıńide rekordtyq kórsetkishke qol jetkizdi, dep habarlaıdy Almaty-akshamy.kz.
Kásibı tenısshiler qaýymdastyǵy (ATP) jáne Áıelder tenısi qaýymdastyǵy (WTA) jańartylǵan reıtıńti jarıa etti.
«Erler arasynda elimizdiń birinshi raketkasy Aleksandr Býblık 39-dan 41-ge tómendedi. Prezıdent kýbogynyń fınalyna shyǵýy nátıjesinde Denıs Evseev 341-den birden 269-orynǵa kóterildi. Osy jarystyń jartylaı fınalyna deıin jetken Beıbit Jýkaev qazir 394-satyda. Sóıtip, ekeýi de jeke rekordtyq nátıjege qol jetkizdi. Dmıtrıı Popko 179-ynshy, Mıhaıl Kýkýshkın 207-inshi, Tımofeı Skatov 216-orynda keledi. Juptyq synda Andreı Golýbev 43, Aleksandr Nedovesov 61-satyda tur»,- delingen Qazaqstan tenıs federasıasynyń habarlamasynda.
Áıelder arasynda Elena Rybakına 23-ornynda qalsa, Iýlıa Pýtınseva 39-dan 41-ge tústi. Zarına Dıas - 245, Jibek Qulambaeva - 488 (+21), Gózal Aınıtdınova - 561. Juptyq synda Anna Danılına 23-orynda keledi.