Reseıdiń Sochı qalasynda tótenshe jaǵdaı jarıalandy.
Senbi, jeksenbi kúnderi alapat sý tasqyny bolyp, Bzýga ózeni arnasynan tasyǵan. Buǵan deıin úzdiksiz nóser quıyp, bir saǵatta 76 mm jaýyn jaýyp, qala ortalyǵynda ondaǵan kósheni sý basty. Tabıǵı apattan 1 adam qaza tapty, dep habarlaıdy Almaty-akshamy.kz.
Áleýmettik jelilerge júktelgen beınerolıkterden tasqynnyń kólikterdi shaıyp áketip jatqanyn kórýge bolady. Federaldyq tas joldyń 200 metr bóligin sý basqan. Buǵan qosa, qalanyń keıbir aýdandarynda elektr jaryǵy óshti.