D.Popko ATP reıtıńisinde 164-orynǵa kóteriledi
Qazaqstandyq tenısshi Dmıtrıı Popko Lıssabon chellendjer týrnıriniń chempıony atandy, dep habarlaıdy Almaty-akshamy.kz Olympic.kz-ke silteme jasap.
Dúnıejúzilik reıtıńte 187-orynda turǵan qazaqstandyq sportshy fınalda ıtalıalyq Andrea Pellegrınony 6:2, 6:4 esebimen jeńdi.
Eki saǵatqa jýyq sozylǵan mach barysynda Popko 1 eıs jasap, 5 breık-poınttyń tórteýin paıdalandy. Qarsylasy 1 breıkten asa almady. Bul olardyń ózara alǵashqy kezdesýi edi.
Buǵan deıin D.Popko eki márte osyndaı dodanyń fınalynda óner kórsetip, jeńilip qalǵan edi. Sóıtip óz sporttyq jolynda chellendj týrnırlerindegi birinshi tabysyna qol jetkizip otyr. Portýgalıadaǵy jarystyń qorytyndysyna sáıkes D.Popko ATP reıtıńisinde 164-orynǵa kóteriledi. Bul onyń úzdik kórsetkishi bolmaq.