Jemqorlyqqa jol joq
Ál-Farabı atyndaǵy QazUÝ stýdentterine Sybaılas jemqorlyqqa qarsy zańnama máseleleri, sybaılas jemqorlyqqa qarsy saıasattyń jańa tujyrymdamasyn ázirleý, sondaı-aq sybaılas jemqorlyqqa qarsy is-qımyldyń basqa da ózekti máseleleri boıynsha TEDx formatynda dáris ótkizildi, dep habarlaıdy Almaty-akshamy.kz.
Spıker – Almaty qalasynyń Sybaılas jemqorlyqqa qarsy qyzmetiniń basshysy Murat Ahmetov sybaılas jemqorlyqqa qarsy mádenıetti qalyptastyrýdyń, parasattylyq, adaldyq, jaýaptylyq jáne patrıotızm qaǵıdattaryn boıyna sińirýdiń mańyzdylyǵyn atap ótti.
«Sizder – bizdiń jastarymyz, halyqtyń neǵurlym belsendi bóligi bola otyryp, ulttyq básekege qabilettilikti arttyrýdyń mańyzdy faktory bolyp tabylasyzdar. Bilimge umtylyńyzdar! Óz quqyǵyńyz ben zańdaryńyzdy bilińiz», – dedi Murat Ahmetov.
Sondaı-aq, spıker sybaılas jemqorlyqqa qarsy qyzmettiń jumysy týraly aıtyp, stýdenttermen quqyq buzýshylyqtarǵa tap bolǵan kezde qaıda júginý kerektigin bólisti:
«Eger siz sybaılas jemqorlyq buzýshylyqtarǵa tap bolsańyz, onda siz árqashan «sybaılas jemqorlyqqa qarsy qyzmet – 1424» koll-ortalyǵyna júgine alasyz. Bul sizdiń elimizdiń sybaılas jemqorlyqqa qarsy qyzmetine qatysýyńyz. Shette bolmaý, sybaılas jemqorlyqpen kúresetinderge kómektesý mańyzdy», - dedi ol.
Kezdesý sońynda qalanyń sybaılas jemqorlyqqa qarsy kúres vedomstvosynyń basshysy sharaǵa qatysýshylar tarapynan qoıylǵan suraqtarǵa jaýap berdi. Óz kezeginde jastar sybaılas jemqorlyqqa qarsy saıasatty jetildirý boıynsha óz ıdeıalary men usynystarymen almasty.