D.A. Qonaev atyndaǵy Eýrazıalyq zań akademıasynyń ekonomıka ǵylymdarynyń doktory Patıma Ábdiqulovanyń aıtýynsha, almatylyqtar alańdamaýlary jáne sanaqtan ótýi tıis. Patıma Ábdiqulova halyq sanaǵy memlekettiń bolashaq áleýmettik-ekonomıkalyq josparyn qurý úshin ár on jyl saıyn júrgizilip otyratynyn eske saldy, dep habarlaıdy almaty-akshamy.kz
«Ádette sanaqtan keıin tereń áleýmettik-ekonomıkalyq jáne demografıalyq taldaý júrgiziledi. Árqaısysy eskeriledi – jańa týǵan náresteden qart adamǵa deıin. Ol mektepke, kolejge bara ma, álde ýnıversıtette oqı ma? Resmı túrde ne ózin-ózi jumyspen qamtyǵandar, eldegi ishki jáne syrtqy kóshi-qon problemalary anyqtalady. Aýyl turǵyndarynyń ketýin kórýge bolady», - deıdi sarapshy.
Sanaq qorytyndysy boıynsha memleket azamattardyń qalaı ómir súretini týraly tolyq aqparat alady. Sonymen qatar, bul statısıka ártúrli bólimderden alatyn aqparatty naqtylaýǵa kómektesedi. Mysaly, nekede turǵan adamdar týraly AHAJ derekterin tekserýge bolady.
«Elimizde qansha kóp balaly otbasy bar ekenin anyqtaýǵa bolady. Eger buryn kóp balaly analar 10-15 bala týǵan áıelder bolsa, búginde tórt bala tárbıelep otyr. Sanaq qorytyndysy boıynsha, olar memlekettik qoldaý ala alady. Jumyssyzdardyń aqparaty jumys oryndaryn qurý boıynsha jańa baǵdarlamalar qajet ekenin túsinýge kómektesedi. Zeınetkerler tabysy tómen ekendikterin habarlap, memleketke zeınetaqyny arttyrý qajettigi týraly belgi beredi», - dep jalǵastyrdy Patıma Ábdiqulova.
Memleket úshin barlyq azamattar týraly aqparat mańyzdy: ortasha aýqaty bar nemese eń tómengi jalaqy alatyn, qart pen jas jáne qujattary joq adamdar.
«Halyqty JSN boıynsha sanaýǵa bolatyn sıaqty, biraq bul tek jeke kýálikte kórsetilgen sandar ǵana. Eski qujattar boıynsha nemese olarsyz turatyn azamattar áli de bar», - dedi sarapshy.
Ekonomıkany damytý úshin memleket halyq týraly naqty statısıkalyq aqparatqa ıe bolýy kerek. Sondyqtan P. Ábdiqulova Almaty turǵyndaryn sanaq rásimine túsinistikpen qaraýǵa, saýalnama suraqtaryna tolyq jaýapkershilikpen jaýap berýge shaqyrdy.
«Biz – birtutas Qazaqstan halqymyz, sanaq derekteriniń nátıjesinde ózimizge aınadaǵydaı qaraı alamyz. Sonymen, halyq sanaǵy – bul eldiń shejiresi, onyń tarıhy. Bizden keıin qalatyn jáne urpaqtar bizdi baǵalaıtyn birneshe obektıvti aqparat kózderiniń biri», - dep qorytyndylady ekonomıka ǵylymdarynyń doktory.