Qazaqstandyq sportshy taı-breıkpen aıaqtalǵan eki partıada basym tústi
Qazaqstandyq, álemniń 233-raketkasy Tımofeı Skatov Lıssabon (Portýgalıa) chellendjer týrnırin jeńispen bastady, dep habarlaıdy Almaty-akshamy.kz QazAqparatqa silteme jasap.
Ótken aptada Portýgalıada Braga jarysynyń jartylaı fınalyna deıin jetken T.Skatov bul joly bastapqy kezdesýin dúnıejúzilik reıtıńte 303-orynda turǵan ıspanıalyq Orıol Roka Batalámen ótkizdi.
Qazaqstandyq sportshy taı-breıkpen aıaqtalǵan eki partıada 7:6 (10:8), 7:6 (7:5) esebimen basym tústi.
Úsh saǵatqa jýyq ýaqytqa sozylǵan tartysty báseke barysynda T.Skatov 1 eıs jasap, 4 breık-poınttyń úsheýin óz esebine jazdy. Qarsylasy 3 eıs, 3 breıkpen (12 breık-poınt) kózge tústi.
Tımofeı Skatov shırek fınalǵa shyǵý úshin álemniń 122-inshi, dodanyń 3-raketkasy, ıtalıalyq Franchesko Passaromen talasady.
Eske sala keteıik, budan buryn Aleksandr Býblıktiń álemdik reıtıńide TOP-40-qa jýyqtaǵanyn jazǵan bolatynbyz.