Gózal Aınıtdınova álemdik reıtıńide 434-orynda keledi.
Qazaqstandyq Gózal Aınıtdınova juptyq synda Úndistanda ótip jatqan ITF W25 jarysynyń jartylaı fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstan tenıs federasıasynan málim etkenindeı, Gózal úndistandyq Zıl Desaımen birge shırek fınalda taılandtyqtar Lýksıka Kýmhým - Peangtarn Plıpýekpen oınaýy kerek edi.
Áıtse de olar kortqa shyqpaı qaldy.
Alǵashqy aınalymda qazaqstandyq-úndistandyq jup jergilikti tenısshilerdi tize búktirdi - 6:1, 6:0.
G.Aınıtdınova men Z.Desaıdyń jartylaı fınaldaǵy qarsylastary keıin anyqtalady.
Qazaqstandyq tenısshi álemdik reıtıńide 434-orynda keledi.
Eske sala keteıik, budan buryn Aleksandr Býblıktiń Istborn týrnıriniń shırek fınalyna ótkenin jazǵan bolatynbyz. Sondaı-aq qazaqstandyq tenısshi Serbıadaǵy shırek fınalǵa shyqty.