Spıker qazir álemde eksport boıynsha bolyp jatqan iri úrdisterge toqtaldy. Kompanıanyń bas dırektory atap ótkendeı, bul –eń aldymen, sıfrlyq platformalarǵa kóshý.
«Qazaqstandyq kompanıalardy halyqaralyq elektrondyq platformalarǵa shyǵarý – kompanıanyń basty baǵyty. Búgingi tańda biz qazaqstandyq taýarlardy JD.com, Douyin, Europages, Alibaba.com. syndy iri marketpleısterdiń ulttyq pavılondarynda usynamyz. Bul alańdar bizge sıfrlyq sheshimderdi paıdalana otyryp, taýardy shekara arqyly ótkizbeı-aq eksportty belsendi túrde ilgeriletýge kómek kórsetedi», – dedi Aıtmuhamed Aldajarov.
Eksportty belsendi damytýǵa múmkindik beretin kelesi qural – saýda-ekonomıkalyq mısıalardy ótkizý. Jyl basynan beri tórt saýda-ekonomıkalyq mısıa ótkizildi.
«Quny 348 mln dollarǵa teń qujattarǵa qol qoıyldy, 350-den astam kompanıa eksportty damytýǵa qatysty. Biz odan ári monıtorıń júrgizip, kompanıalarymyzǵa osy ýaǵdalastyqtardyń senimdi kelisimsharttarǵa aınalýyna kómektesemiz», – dep atap ótti spıker.
Kompanıa eksporttaýshylarmen turaqty kezdesýler men dóńgelek ústelder ótkizedi.
«Búgingi tańda kompanıa bizdiń eksporttaýshylar ýaqytyly aqparat alýy úshin saıtty, platformany jańartý boıynsha jumys júrgizdi. Saıttan saýda-ekonomıkalyq qyzmet týraly barlyq statısıka men aqparatty taba alasyz», – dep qosty spıker.