Búginde jas ǵalymnyń 33 túrli formýlasy bar.
Astanadaǵy joǵary oqý oryndarynyń birinde oqıtyn İİ kýrs stýdenti kóp sandardy kálkýlátorsyz esepteýdiń jańa formýlasyn oılap tapty, dep habarlaıdy Almaty-akshamy.kz.
Búginde jas ǵalymnyń 33 túrli formýlasy bar. Daryndy stýdent aldaǵy ýaqytta óz eńbegin patenttep, shákirt tárbıeleýdi armandaıdy.
Aqparattyq tehnologıalar fakúltetiniń bilim alýshysy Bek Musabekovtiń matematıka pánine qyzyǵýshylyǵy mektep qabyrǵasynda oıanǵan. Talantty jas kvadrat jáne kýb ádisterimen formýlalardy 9-synypta alǵash ret oılap tapty.
«Túbir astynan jýyqtap tabý» amalyn baǵan jáne kvadrat arqyly sheshý de – onyń mekteptegi eńbeginiń jemisi. Naqty ǵylymǵa qyzyqqan stýdent izdenimpazdyǵynyń arqasynda úlken sandardy kálkýlátordyń kómeginsiz esepteýge bolatyn formýla jasap shyǵardy.
«Kálkýlátor qoldaný múmkindigi joq barlyq jerde, tipti emtıhanda da meniń formýlammen esepter erkin shyǵarylady. Onyń ústine bul – ýaqyt únemdeýge de úlken múmkindik. Endi osy formýlalarymdy patenttep alǵym keledi. Meniń oılap tapqan formýlamdy oqý baǵdarlamasyna kirgizýge bolady dep oılaımyn. Aldaǵy ýaqytta matematıkadan shákirt tárbıelep, oqýshylarymdy olımpıadalarǵa daıyndasam degen nıetim bar, - deıdi Eýrazıa ulttyq ýnıversıtetiniń stýdenti Bek Musabekov.
Aıta keteıik, jas ǵalymnyń kálkýlátorsyz esepteýdiń 33 túrli formýlasy bar. Onyń 29-yn mektep qabyrǵasynda shyǵarsa, 4-eýin ýnıversıtette júrip oılap tapqan. Stýdent úlken sandardy kálkýlátorsyz esepteýdiń budan da ońaı formýlalaryn izdeýdi jalǵastyrmaq.
Bek Musabekov óziniń qabiletin 2021 jyly «Daryndy jas ǵalym» respýblıkalyq ǵylymı-jobalar baıqaýynda ortaǵa salyp, «Daryn» atalymy boıynsha top jardy. EUÝ stýdenti «QR Táýelsizdigine 30 jyl» merekelik tósbelgisimen de marapattalǵan.