İzdeý-qutqarý jumystary júrgizile bastaǵan kúnnen bastap Qazaqstan TJM qutqarýshylary 7 adamdy qutqaryp, medısına qyzmetkerlerine tapsyrdy.
Qaıtys bolǵan 88 adamnyń, onyń ishinde 10 balanyń denesi úıindi astynan shyǵaryldy, dep habarlaıdy Almaty-akshamy.kz Egemen.kz-ke silteme jasap.
Qazaqstan TJM Apattar medısınasy ortalyǵynyń dárigerleri zardap shekken adamdarǵa táýlik boıy alǵashqy medısınalyq kómek kórsetýde. Ótken kezeńde 140-tan astam jergilikti turǵynǵa, sonyń ishinde 17 balaǵa medısınalyq kómek kórsetildi. Olardyń ishinde stresstiń jedel reaksıasymen, salqyn tıý, tynys alý joldarynyń aýrýlarymen, sondaı-aq ártúrli jaraqattarmen baılanysty aýrýlar basym.
Birinshi kúnnen bastap jedel shtab jumysyn jalǵastyryp jatyr. Qazirgi ýaqytta Qazaqstan TJM qutqarýshylary eki eldi mekende izdeý-qutqarý jumystaryn jalǵastyrýda. Qıraǵan úılerdiń ornyndaǵy úıindilerdiń arasyn ashý jumystary júrgizilip jatyr. Qutqarýshylar turaqsyz qurylymdardy bólshekteý jáne arnaıy keskishtiń kómegimen jol tazartý jáne qırandylardyń astynan zardap shekkenderdi izdeýdi jeńildetý úshin úıindilerdiń astyndaǵy armatýrany kesý jumystaryn júrgizýde. Bul beton, arqalyqtar jáne basqa da qurylys qaldyqtaryn bólshektep, arnaıy tehnıkaǵa júkteýdi jeńildetý úshin jasalady.
Qutqarýshylardyń bir toby toǵyz qabatty ǵımaratta jumys júrgizip jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary jalǵasyp jatyr. Bul jerde úıindilerdiń astynan 4 adam qutqaryldy, 30 qaza tapqan adamnyń máıiti shyǵaryldy.
Qutqarýshylardyń basqa toby alty qabatty ǵımaratta jumys júrgizdi. Ǵımarat tolyǵymen qıraǵan. Úıindilerdiń arasynan qaıtys bolǵan 24 adamnyń máıiti shyǵaryldy.
Qazaqstan TJM ekinshi eshelonmen barǵan qutqarýshylar Túrkıaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizdi. Tolyǵymen qıraǵan ǵımaratta qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi. Qazaqstandyq qutqarýshylardyń úlken tereńdiktegi úıindilerdiń astynan zardap shekkenderdi evakýasıalaý úshin jol ashý jumystaryn oryndap, jedel jáne saýatty is - qımyldyń, sondaı-aq zardap shekkenderdi bloktan shyǵarý boıynsha ýaqytyly qabyldanǵan sharalardyń nátıjesinde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medısınalyq qyzmetterine jetkizildi. Qaıtys bolǵan 11 adamnyń máıiti shyǵaryldy. Zardap shekken adamdardy izdeýge tehnıkalyq quraldar, úıindilerdi bólshekteýge ınjenerlik tehnıka paıdalandy. Úıindilerdiń arasynan adamdardy izdeý jumystary jalǵasyp jatyr.