Bul týraly «Ashyq» NQA portalynda jarıalanǵan Aqparat jáne qoǵamdyq damý mınıstriniń tıisti buıryǵynda kórsetilgen.
Qujatta jazylǵandaı, aqparatqa qol jetkizý máseleleri jónindegi komısıa osy baǵyttaǵy qoǵamdyq múddelerdi eskerý jáne qorǵaý, sondaı-aq aqparatty paıdalanýshylardyń qajettilikterin qanaǵattandyrý maqsatynda qurylady. Ol ýákiletti organ janyndaǵy konsýltatıvtik-keńesshi organ qyzmetin atqarady, dep habarlaıdy Almaty-akshamy.kz QazAqparatqa silteme jasap.
«Komısıa óz qyzmetinde QR Konstıtýsıasyn jáne zańdaryn, QR Prezıdentiniń jáne QR Úkimetiniń aktilerin, ózge de normatıvtik quqyqtyq aktilerdi, sondaı-aq osy sáıkes rejeni basshylyqqa alady», - delingen qujatta.
Komısıanyń negizgi mindetterine mynalar kiredi:
- aqparatqa qol jetkizý máselelerin anyqtaý, taldaý;
- aqparatqa qol jetkizý salasyndaǵy zańnamany jetildirý;
- aqparatty ashyq túrde ornalastyrý arqyly artyq qujat aınalymyn azaıtý máselelerin anyqtaý, taldaý;
- aqparat ıelenýshilerdiń aqparattyq ashyqtyqty qamtamasyz etýi boıynsha usynystar ázirleý.
Konsýltatıvtik-keńesshi organnyń quramyna Senaty pen Májilis depýtattary, memlekettik organdardyń, úkimettik emes jáne basqa da uıymdardyń ókilderi, sondaı-aq aqparatqa qol jetkizý salasynda ǵylymı jáne saraptamalyq bilimi bar tulǵalar enedi. Komısıanyń keminde toǵyz múshesi bolýy tıis.
Buıryqty ashyq talqylaý 1 naýryzǵa deıin jalǵasady.