Sonymen qatar, mektepterde TJM ókilderi de arnaıy sabaqtar ótkizedi.
QR Premer-Mınıstri Álıhan Smaıylov mektep baǵdarlamasyna jol qozǵalysy erejelerin oqytýdy engizýdi tapsyrdy, dep habarlaıdy Almaty-akshamy.kz
«Bilim mınıstrligi İshki ister mınıstrligimen birlese otyryp, jol qozǵalysy erejelerin oqýdy bilim berý baǵdarlamasyna mindetti túrde engizý, bul jumysqa jumys istep turǵan ınspektorlardy tartý máselesin qarastyrsyn», - dedi Álıhan Smaıylov.
Jıynda İshki ister mınıstri Marat Ahmetjanov 22 tamyz ben 12 qyrkúıek aralyǵynda joldarda balalardyń jaraqat alýyn azaıtýǵa baǵyttalǵan jedel-profılaktıkalyq is-sharany ótkizý josparlanyp otyrǵanyn qosty. Barlyq óńirlerde jol belgileriniń, tańbalardyń bolýy, baǵdarshamdardyń jumysqa jaramdylyǵy tekseriletin bolady. Sondaı-aq mektep avtobýstarynyń balalardy tasymaldaýǵa ruqsaty tekseriletin bolady.
«Sonymen qatar, Tótenshe jaǵdaılar mınıstrligimen birlesip, mektepterde órt, jer silkinisi, lańkestik áreketter – osy jaǵdaılarda qalaı áreket etý kerektigi jóninde arnaıy sabaqtar ótkizemiz. Sonymen qatar, polısıa qyzmetiniń basshylary mektepterde qaýipsiz minez-qulyq negizderi boıynsha sabaqtardy uıymdastyrady», dedi mınıstr Marat Ahmetjanov.
Buǵan deıin İshki ister mınıstrliginiń basshysy qazaqstandyq mektepterde qandaı zańbuzýshylyqtar anyqtalǵanyn aıtqan bolatyn.