Kúdikti buryn alty ret sottalǵan.
Almatyda birneshe páter urlyǵyna qatysy bar kúdikti ustaldy, dep habarlaıdy Almaty-akshamy.kz Polisia.kz-ke silteme jasap.
43 jastaǵy kúdikti bir apta ishinde eki almatylyq turǵynnyń úıin tonap ketken.
«Qaskóı azyq-túlik dúkenin erlerge arnalǵan barbershoppen shatastyryp, ishke kirip, ǵımaratta eshkim joq ekenin kórgennen keıin roýterdi urlap ketken. S. esimdi azamat 3-shi yqshamaýdanda ekinshi ret bótenniń múlkin urlaǵan. Gaz qubyrymen kireberistiń qalqasyna kóterilip, tereze arqyly páterge kirip, sol jerden tehnıkany urlap ketken. Kúdikti qamaýǵa alyndy. Ol 43 jasta. Buryn alty ret sottalǵan, onyń beseýi – múliktik qylmystar jasaǵany úshin. Kúdikti sońǵy ret 2010 jyly bir jarym jylǵa sottalǵan. Er adam óz kinásin tolyqtaı moıyndap, istegen isine ókinetinin málimdedi», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Atalǵan derek boıynsha QR QK-niń 188-baby 3-bóliginiń 2,3- tarmaǵyna (Urlyq) sáıkes, sotqa deıingi tergeý amaldary júrgizilýde. Ustalǵan adamnyń is-áreketiniń qosymsha epızodtaryn anyqtaý boıynsha qajetti is-sharalar júrgizilýde.