QR Oqý-aǵartý mınıstrligi orta bilim berý uıymdarynda 2024–2025 oqý jylynyń bastalý merzimin, uzaqtyǵyn jáne kanıkýl kezeńderin bekitti.
Orta bilim berý uıymdarynda 2024 – 2025 oqý jyly 1 qyrkúıekte bastalyp, 25 mamyrda aıaqtalady, dep habarlaıdy almaty-akshamy.kz.
Birinshi toqsanda oqý ýaqyty 8 apta. Kúzgi kanıkýl 28 qazannan bastap 3 qarashany qosa alǵanda 7 kúnge sozylady.
Ekinshi toqsanda oqý ýaqyty 8 aptany quraıdy. Qysqy kanıkýl 2024 jyldyń 30 jeltoqsanynda bastalady jáne 2025 jyldyń 8 qańtaryn qosa alǵanda kúntizbelik 10 kúnge jalǵasady.
Birinshi synyp oqýshylary úshin úshinshi toqsanda 2025 jylǵy 10 aqpannan 16 aqpandy qosa alǵanǵa deıingi ýaqytta uzaqtyǵy 7 kúndi quraıtyn qosymsha demalystar beriledi.
Úshinshi toqsan 10 oqý aptasynan turady. Al,11 kúndik kóktemgi kanıkýl 2025 jyldyń 21 naýryzynda bastalyp, 31 naýryzdy qosa alǵanǵa deıin jalǵasady.
Tórtinshi toqsannyń uzaqtyǵy 8 oqý aptasyn quraıdy. Sondaı-aq 25 mamyrda oqý jyly qorytyndylanady.
