Quqyq buzýshylar bul ónimderdi onlaın platformalarda satqan, dep habarlaıdy almaty-akshamy.kz.
«Messendjerler arqyly kúdiktiler taýardyń sany men jetkiziletin mekenjaıy kórsetilgen onlaın tapsyrystar alyp otyrǵan. Satyp alýshyǵa jetkizý kýrerlik qyzmetter arqyly júzege asyryldy. Veıp kópqabatty úılerdiń jertólesinde, kompúterlik klýbtardyń ishinde, bir sózben aıtqanda, qupıalylyq sharalaryn saqtaı otyryp ornalastyrylǵan. Bir kezderi jumys istegen resmı dúkender jabylǵandyqtan, onlaın túrde tyıym salynǵan veıpterdi satý derekteri bar. Tek sońǵy 24 saǵattyń ishinde zańsyz aınalymnan 8 myńnan astam veıp pen onyń quramdas bólikteri tárkilendi», - dedi Almaty qalasy Polısıa departamenti bastyǵynyń orynbasary, polısıa polkovnıgi Qýatbek Naýatov.