QR Eńbek jáne halyqty áleýmettik qorǵaý mınıstrligi múgedektik máseleleri boıynsha mınıstrlerdiń, aýdandardyń, qalalardyń, oblystyq mańyzy bar qalalardyń, oblystardyń, respýblıkalyq mańyzy bar qalalardyń, astananyń ákimderiniń shtattan tys keńesshilerin (budan ári – keńesshi) taǵaıyndaý qaǵıdalaryn ázirlep, bekitti, dep habarlaıdy almaty-akshamy.kz.
Keńesshi qyzmetiniń maqsaty respýblıkalyq jáne jergilikti deńgeılerde sheshimderdi talqylaý jáne qabyldaý kezinde múgedektigi bar adamdardyń zańdy múddelerin bildirý jáne olardyń pikirin eskerýdi qamtamasyz etý bolyp tabylady.
Qaǵıdaǵa sáıkes múgedektigi bar adamdardyń quqyqtaryn qorǵaý jáne múmkindikterin keńeıtý salasynda keminde bes jyl qoǵamdyq jáne ózge de jumys tájirıbesi bar, jergilikti deńgeıde keńesshi tańdaǵan jaǵdaıda – tıisti ákimshilik-aýmaqtyq birlik sheginde turaqty turatyn, keminde 18 jastaǵy QR azamaty keńesshi bolyp taǵaıyndalýy múmkin.
Keńesshi birinshi basshynyń aldynda, sondaı-aq respýblıkalyq nemese óńirlik deńgeıde múgedektigi bar adamdardy áleýmettik qorǵaý salasyndaǵy úılestirý keńesiniń aldynda esep beredi jáne jaýapty bolady.
Keńesshiniń ókilettik merzimi – úsh jyl. Bir adam qatarynan eki retten artyq keńesshi bola almaıdy.
Keńesshi laýazymyna kandıdatýralardy múgedektigi bar adamdardyń qoǵamdyq birlestikteri, sondaı-aq azamattar, onyń ishinde ózin-ózi usyný jolymen usynady.
Keńesshi kandıdat:
1) memlekettik laýazymdy atqaratyn adam, azamattyq qyzmetshi, Qazaqstan Respýblıkasy Parlamentiniń depýtaty, sýdıa;
2) Qazaqstan Respýblıkasynyń zańnamasynda belgilengen tártippen ótelmegen nemese alynbaǵan sottylyǵynyń bolýy;
3) zańda belgilengen tártippen sot:
áreketke qabiletsiz nemese áreket qabileti shekteýli dep tanýǵa;
sybaılas jemqorlyq qylmys jáne (nemese) sybaılas jemqorlyq quqyq buzýshylyq jasaǵany úshin kinálidep tanýǵa;
4) psıhıkalyq densaýlyq salasynda medısınalyq kómek kórsetetin uıymdarda psıhıkalyq, minez-qulyq buzylystaryna (aýrýlaryna), onyń ishinde psıhoaktıvti zattardy qoldanýǵa baılanysty esepte turýy bolmaýy kerek.
Úmitkerler kelesi jaǵdaılardyń biri bolǵan jaǵdaıda konkýrsqa jiberilmeıdi:
1) osy Qaǵıdalardyń 3, 14-tarmaqtarynda belgilengen talaptarǵa sáıkes kelmeýi;
2) osy Qaǵıdalardyń 15-tarmaǵynda kórsetilgen qujattar jáne (nemese) málimetter usynylmaýy;
3) dáıeksiz aqparatty qamtıtyn qujattardy jáne (nemese) málimetterdi usyný.
Eń kóp daýys jınaǵan kandıdat keńesshi laýazymyna usynylǵan bolyp sanalady. Birdeı daýys sanyn jınaǵan kandıdattar boıynsha jumys tobynyń basshysy sheshýshi daýys quqyǵyn ózine qaldyratyn birinshi basshyǵa usynys engizedi.
Keńesshi kelesi jaǵdaılarda óz qyzmetin merziminen buryn toqtatady:
- keńesshiniń jeke bastamasy;
- sottyń ony áreketke qabiletsiz nemese áreket qabileti shekteýli dep tanýy;
- sottyń ony habar-osharsyz ketti dep tanýy nemese qaıtys boldy dep jarıalaýy;
- oǵan qatysty sottyń aıyptaý úkimi zańdy kúshine engen;
- Qazaqstan Respýblıkasynan tys jerlerge turaqty turýǵa ketý;
- keńesshi qyzmetiniń tıimdiligin baǵalaý negizinde belgilengen fýnksıonaldyq mindetterdi oryndamaý nemese tıisinshe oryndamaý;
- memlekettik, azamattyq qyzmetke kirý, Qazaqstan Respýblıkasy Parlamentiniń depýtaty bolyp saılaný, sýdıa bolyp taǵaıyndalý;
- ókilettik merziminiń aıaqtalýy.
Keńesshini taǵaıyndaý rásimi osy Qaǵıdalarda kózdelgen tártipke sáıkes qazirgi keńesshiniń ókilettik merzimi aıaqtalǵanǵa deıin eki aı buryn bastalady.
Erejemen tolyǵyraq QR Eńbek jáne halyqty áleýmettik qorǵaý mınıstrliginiń resmı saıtynda https://www.gov.kz/memleket/entities/enbek/documents/details/693957?lang=kk siltemesi arqyly tanysýǵa bolady.