FIRST GLOBAL CHALLENGE týrnırine 180 memleket qatysty.
Qazaqstandyq mektep oqýshylary bedeldi robototehnıka jarystarynda birinshi oryndy jeńip aldy, dep habarlaıdy Almaty-akshamy.kz
17 jastaǵy baǵdarlamashy Jantóre Bısenǵalı robottyń mehanızmi týraly áńgimelep berdi. Robot basqarýdaǵy mashına prınsıpi boıynsha jumys isteıdi. Biraq ol qosymsha fýnksıalardy da oryndaıdy.
«Djoıstık driverhub júıesine qosylǵan. Bul - Android-telefon, planshet. Ol basqarý habyna Wi-Fi arqyly qosylǵan, ony robottyń mıy dep ataýǵa bolady», - deıdi Jantóre Bısenǵalı.
Qazaqstandyq komandanyń quramynda 15 pen 17 jas aralyǵyndaǵy bes oqýshy bar. Baıqaýdyń taqyryby - jahandyq jylyný. Úı roboty kómirqyshqyl gazyn múmkindiginshe jyldamdyqpen sińirýi kerek edi, onyń rólin qarapaıym plasıkalyq sharlar atqardy.
«Bizdiń robot birneshe ret eń joǵary kórsetkishke qol jetkizdi. Jarysqa jınalǵan upaılar boıynsha rekordty birneshe ret jańarttyq. Bizge birazy tańǵaldy, óıtkeni olar Qazaqstan týraly jıi estimeıtin edi. Bul joly múmkindiginshe óz biliktiligimizdi, kásibıligimizdi kórsetýdi jón kórdik», - dedi komandanyń múshesi Marǵulan Turǵanbek.
Sonymen birge jarystarda Qazaqstan birden úsh joǵary marapatqa ıe bolǵan jalǵyz el boldy: eń joǵary bal jınaǵany úshin, qozǵalysty damytýǵa qoldaý kórsetkeni úshin jáne robottyń tehnıkalyq sheberligi úshin.