Qazaqstandyq 11-synyp oqýshysy álemniń 34 ýnıversıtetinen shaqyrtý aldy.
Olardyń qatarynda Amerıka, Ulybrıtanıa, Kanada men Ispanıa, Aýstralıa elindegi jetekshi joǵary oqý oryndary bar, dep habarlaıdy Almaty-akshamy.kz Qazaqtv.com saıtyna silteme jasap.
Biri tegin bilim alýyna jaǵdaı jasasa, endi biri túrli jeńildikter usynypty. Mıras Seıilhannyń bolashaq mamandyǵy qarjy jáne ekonomıka salasymen baılanysty. Maqsatyna jetý úshin daryndy oqýshy 7-synyptan bastap ózin jan-jaqty damytýǵa kóńil bólipti. Halyqaralyq synaqtarǵa arnaıy daıyndalǵan. «Ár qadamymdy baqylap otyrǵan muǵalimderim, mektepti bitirip ketken aǵalar kómek berdi», – deıdi bilimdar jas.
"Eń bastysy, ol «Taım menedjment». Iaǵnı aldyn-ala daıyndalý. Sonymen qatar aldyn ala qaı jerde oqyǵyń keletinin sheshý. Sonymen qatar jaqsy ortanyń tabylýy. Osy lıseı qabyrǵasynda óte úlken jetistikke jetken aǵalarymyz bar. Álemdik deńgeıdegi ýnıversıtetterde bilim alatyn. Solardyń da qyzyqty oqıǵalary maǵan motıvasıa berdi", - deıdi oqýshy Mıras Seıilhan.
Mıras Seıilhan, sondaı-aq túrli áleýmettik jobalarǵa bastamashy bolyp, volonterlik klýb qurdy. Alǵyrlyǵynyń arqasynda ózi oqıtyn mekteptiń Prezıdenti atandy. Oqýyn támamdaǵan soń elge oralyp, alǵan bilimin eldi kórkeıtýge jumsaǵysy keledi. Daryndy oqýshynyń endigi armany – Qazaqstandy jańa deńgeıge kóterý.