“Alataý Jaryq Kompanıasy” AQ ujymy 5 maýsymda ótetin jalpyhalyqtyq saıası sharanyń mańyzyn talqylady.
Jıynda kompanıa qyzmetkerleri Prezıdent usynǵan Konstıtýsıalyq ózgeristerge oń baǵasyn berdi, dep habarlaıdy Almaty-akshamy.kz
Energetıkterdiń aıtýynsha, jańa Qazaqstandy qurýda reformalardy jańartý asa mańyzdy, referendým eldiń qoǵamdyq-saıası ómirine eleýli ózgeris, tyń serpin ákeledi. Mamandar respýblıkada halyq múddesin qoldaıtyn, kóptiń únine qulaq asatyn, prezıdenttik-parlamenttik basqarý júıesi, jurtqa esep beretin Úkimeti bar jańa memlekettik júıe qalyptasady degen oıda.
«Referendým – demokratıaǵa qadam basýdyń, Jańa Qazaqstandy ornatýdyń tóte joly. Sonymen qatar, táýelsiz eldiń tuǵyryn nyqtap, eńsesin tikteıtin azamattyq qoǵamnyń mańyzdy quraly. Qýatty memlekettiń qadamyn qaryshty, baǵytyn baıandy etýdiń basty tetigi. Konstıtýsıa – kemel keleshek kepili, myzǵymas memlekettiń altyn qazyǵy. Basty qujattyń basty qundylyǵy -ádildik, tártip, birlik, el tutastyǵy, azamattardyń ál-aýqatyn jaqsartý. Ádiletti Qazaqstan qurý úshin Ata zańǵa ózgeris engizý kerek. Sonda ǵana tutas halyqtyń taǵdyry sheshilip, bolashaǵy berekeli, keleshegi kórkem bolmaq. Ári bul elimizdiń órkenıetti memleketter qatarynda kósh bastaýyna múmkindik beredi. Sondyqtan jalpyhalyqtyq referendýmǵa bárimiz atsalysýymyz, belsendilik tanytýymyz kerek».
Almatylyq energetıkter búgin referendým týraly osylaı oı qorytty.