Sýdy kóp qajet etetin dándi daqyldyń ornyna maqtany kóbirek ekpek.
QR Aýyl sharýashylyǵy mınıstri Erbol Qarashókeevtiń aıtýynsha, Qazaqstan 2022 jyly sýarmaly jerlerdegi egis kólemin 39 myń gektarǵa qysqartady, dep habarlaıdy Almaty-akshamy.kz
Mınıstr usynǵan derek boıynsha, josparlanǵan egistik kólemi 1 mıllıon 488 myń gektardy quraıdy. Bul ótken jylmen salystyrǵanda 39 myń gektarǵa (2,6%) az. Sondaı-aq alqaptyń aqyrǵy aýmaǵy egis jumystary aıaqtalǵan soń naqtylanady.
«Sýdy kóp qajet etetin aýyl sharýashylyǵy daqyldaryn ártaraptandyrý jalǵasyp jatyr. Osyǵan baılanysty 2021 jylmen salystyrǵanda kúrish egistiginiń kólemi 8,7 myń gektarǵa qysqarady dep kútilýde. Onyń ishinde Qyzylorda oblysynda 5,3 myń gektarǵa, Túrkistan oblysynda 2,9 myń gektarǵa jáne Almaty oblysynda 0,6 myń gektarǵa azaıady», - dedi Aýyl sharýashylyǵy mınıstri.
Qarashókeev elimizde maqta alqabynyń aýmaǵy 119 myń gektarǵa ulǵaıtylǵanyn, bul ótken jylmen salystyrǵanda 9 myń gektarǵa artyq ekenin atap ótti. Buǵan joǵary satyp alý baǵasy yqpal etken: shıkizat maqtanyń bir tonnasy 350 myń teńgeden satylyp, bul 2020 jylmen salystyrǵanda 220 myń teńgege joǵary bolǵan.
Aýyl sharýashylyǵy mınıstrliginiń málimetinshe, qazir ońtústik óńirde sýarmaly alqaptarda egis jumystary aıaqtalyp jatyr (Jambyl oblysynda 100% aıaqtaldy), al basqa aımaqtarda jumystar áli de júrgizilýde.