Qazaqstandyq Naruvax-C19 vaksınasyn adamdarǵa testileýge daıyn
Halyqaralyq vaksınasıa ortalyǵynyń dırektory Qaısar Tabynov «Qazpravda» basylymyna bergen suhbatynda otandyq Naruvax-C19 vaksınasy sońǵy kezeńge jetkenin jáne adam aǵzasyndaǵy klınıkalyq zertteýlerge daıyn ekenin aıtty, dep habarlaıdy Almaty-akshamy.kz.
Zertteýshiler makakalarǵa tájirıbe jasaýdy aıaqtady, oǵan deıin tyshqandar men homáktarǵa zertteý júrgizgen. Nátıjesinde vaksına janýarlardy ınfeksıadan qorǵap qana qoımaı, vırýsty 100% beıtaraptandyrǵan.
Tabynovtyń aıtýynsha, maımyldarǵa jasalǵan jumystar týraly sońǵy ımmýnogendilik derekterdi alǵannan keıin, adamdarda testileý jumysyn bastaýǵa bolady.
Adam aǵzasyndaǵy Naruvax-C19 klınıkalyq synaqtary muqıat daıyndyqty qajet etedi.
Birinshi synaq vaksınany ázirleýshi topqa jasalady.
«Búginde koronavırýsqa qarsy vaksınalardyń eshbiri ınfeksıadan tolyqtaı qorǵaı almasa da, aýrýdyń aýyr ótýiniń jáne aýrýhanaǵa túsýdiń aldyn alady. Naruvax-C19 týraly aıtatyn bolsaq, bul preparat áli klınıkalyq synaqtardan ótpegen, sondyqtan qorytyndy jasaýǵa erterek», - dedi ol.
Qazirgi ýaqytta vaksına týraly ǵylymı maqala prepınti Researsh Square halyqaralyq platformasynda ornalasqan. Sonymen birge Nature jýrnalyna usynylǵan.
«Biz maqala oń baǵasyn alyp, jaqyn arada jarıalanady dep úmittenemiz», - dedi respondent.