«Dara» Prezıdenttik bastamalar qory uıymdastyrǵan respýblıkalyq mobılografıa festıvaliniń 20 fınalısi bir apta Los-Andjelestegi Nú-Iork kınoakademıasynyń bilim aýdıtorıalarynda ótkizedi.
Amerıkandyq kıno óndirisi men 3D anımasıany jan-jaqty oqytý boıynsha jetekshi JOO birinde qazaqstandyqtarǵa túsirilim prosesiniń tehnologıalary týraly baıandalady, almaty-akshamy.kz.
Smartfonnyń tehnıkalyq múmkindikterine aýysqan klasıkalyq túsirilim standarttary «tik» atalatyn kınoda birneshe jyl boıy qoldanylyp keledi.
Oqý baǵdarlamasy kúrdeli, onda qatarynan birneshe pán oqytylady. Jobanyń eń jas qatysýshylarynyń biri Myrzabek Qýatbaı nebári 18 jastaǵy. Ol alǵashqy oqý kúninen alǵan emosıasymen bólisti:
«Mıldik jol shaǵyn qadamdardan bastalady. Alǵashqy qadamdy da jasadyq, men tabysqa jetetinime senimdimin!», — Myrzabek oqýdan alǵan áserimen búgingi qysqa oqıǵalar standarty talap etkendeı qysqa, astarly, biraq emosıonaldy túrde sýrettep berdi.
Qazaqstandyqtar rejıser, akter, senarıshi, prodúser, operator, fotograf jáne beıneoıyn dızaınerlerin daıyndaıtyn AQSH-tyń jetekshi ýnıversıteti New York Film Academy qabyrǵasynda uıaly telefonǵa túsirý men montajdaýdyń kásibı standarttaryn úırenetin bolady. Ýnıversıtettiń negizin qalaýshy — Gollıvýd prodúseri Djerrı Sherlok. Onyń negizgi qaǵıdasy bylaı tujyrymdalǵan: kıne ónerine tájirıbe arqyly úıretý.
Saparbek Jaqsylyqtyń aıtýynsha, kýrs rejıssýranyń qyr-syryn, qol kameralarynyń tehnıkalyq sıpattamalaryn, túsirý, montajdaý kezeńderin úırenýden bastaldy.
«NYFA — men bilim alyp júrgen tórtinshi resmı ýnıversıtet. Múndaǵy bilim sapasy men ustazdardyń sabaqty shabyttanyp oqytýǵa degen umtylysy qýantady. Joǵary deńgeıdegi kınotehnologıalarmen tanysý jáne olarmen jumys isteý mamandyqqa degen qyzyǵýshylyqty arttyrady. Osy múmkindik úshin „Dara“ qoryna alǵys aıtamyn, óıtkeni NYFA-da bilim alý maǵan qol jetkizý qıyn arman sıaqty kórindi», — dep bólisti Saparbek Jaqsylyq.
Jobanyń ambassadory Asqat Shynalıev festıváldiń bastalýy, oǵan ótinim qabyldaý jáne baqytty «jıyrmalyqtyń» tańdalýy týraly eske alǵanda qatysýshylar tarapynan mundaı qyzyǵýshylyqtyń artatynyn jáne jeńimpaz jumystarynyń osynshama joǵary deńgeıde bolatynyn kútpegenin aıtty.
Beıneótinimdi 16 men 40 jas aralyǵyndaǵy 7 myńnan astam mobılograf jibergen. Geografıa — búkil Qazaqstanǵa derlik. 100 jumys jobanyń sońǵy kezeńine ótti. 40 fınalıst aqshalaı syılyqqa ıe boldy, 40 qatysýshy mobılografıanyń onlaın kýrsyn aıaqtady, al úzdik jumystardyń 20 avtory Nú-Iork kınoakademıasynda oqýǵa múmkindik aldy. Bul jobanyń sońǵy kezeńi.
«Búgin oqyp júrgenimizge ekinshi kún. Editing day — montajdaý sabaǵy. Sabaq barysynda biz kóp aqparat alamyz, kóp nárseni qate túsiretinimiz belgili boldy jáne bul jerde fılmdi naqty qalaı túsirý kerek, ony qalaı óńdeý kerektigi tolyq kórsetilgen. Eshbir elde bolmaǵan jobaǵa qatysýǵa múmkindik bergen „Dara“ qoryna alǵys aıtamyn, osyndaı jobalar kóp bolǵanyn qalaımyn. Al fınalısterimiz jobany aıaqtaǵannan keıin Qazaqstandaǵy kreatıvti ındýstrıanyń damýyna áser etip, bilimderimen bólisip, mobılografıany jeke salaǵa aınaldyryp, basqalarǵa áser etedi dep tileımin», — dedi Asqat Shynalıev.
«Dara» Prezıdenttik bastamalar qorynyń jetekshisi Ásel Shildebaevanyń pikirinshe, joba óz mısıasyn oryndady. Respýblıkalyq mobılograftar baıqaýy úsh máseleni sheshti: shyǵarmashylyq mamandyqtardy tanymal etý, talanttardy qoldaý jáne jeke qabiletin iske asyrýǵa múmkindik berý.