Kezdesý barysynda otandyq ǵylymdy damytý máseleleri talqylandy
Memleket basshysy byltyr jańa mártebe berilgen Ulttyq Ǵylym akademıasy otandyq ǵalymdardyń kúsh-jigerin biriktirip, ǵylym men ekonomıkaǵa naqty paıda ákeletin jańalyqtar engizýge erekshe mán berýge tıis ekenin atap ótti, dep habarlaıdy almaty-akshamy.kz.
Qasym-Jomart Toqaev Ulttyq ǵylym akademıasynyń jańa múshelerin saılaý prosesin jedeldetý, Akademıa jumysyna talantty jas ǵalymdar men jańa mamandardy keńinen tartý qajet ekenine nazar aýdardy.
Sonymen qatar Prezıdentke Aqylbek Kúrishbaev ózi basqaratyn Qazaq ulttyq agrarlyq zertteý ýnıversıtetiniń ǵylymı zertteýlerin jáne agroónerkásip salasyn jetildirýge baǵyttalǵan jumystaryn tanystyrdy.
Memleket basshysynyń pikirinshe, oqý ornyna zertteý ýnıversıteti mártebesiniń berilýi agrarlyq sektordaǵy ǵylymı ázirlemelerdi naqty óndiriske engizýge, ǵylymı zertteýlerdiń nátıjesin komersıalandyrýǵa múmkindik beredi.
Kezdesý sońynda Qasym-Jomart Toqaev jańa mindetterdi eskere otyryp, Ulttyq ǵylym akademıasyn damytý strategıasy men jumys josparyn pysyqtaýdy tapsyrdy. Sonymen qatar Qazaqstan Ǵylym akademıasynyń negizin qalaǵan Qanysh Sátbaevtyń 125 jyldyǵyna arnalǵan is-sharalardy joǵary deńgeıde uıymdastyrý mańyzdy ekenin aıtty.