Bıylǵy oqý jylynyń basynan bastap elimizdiń toǵyz óńirinde oqýshylar úshin qaýipsiz jáne qolaıly orta qurýǵa baǵyttalǵan «DosbolLIKE» býllıngke qarsy baǵdarlamasyn aprobasıalaý júrgizilýde.
Atalǵan baǵdarlamamen 70 myńǵa jýyq oqýshy, 5 myńnan astam pedagog jáne bilim berý uıymdarynyń qyzmetkerleri qamtyldy. Sondaı-aq barlyq muǵalimder men mektep ákimshiligi úshin baǵdarlamany sátti engizý maqsatynda nusqaýlyq-ádistemelik semınarlar uıymdastyryldy.
Jobaǵa qatysýshylarǵa arnalǵan balalar arasyndaǵy qaqtyǵystardyń aldyn alý jáne sebepterin anyqtaý boıynsha trenıńter men praktıkalyq is-sharalar ótti. Al ata-analarǵa «DosbolLIKE» baǵdarlamasynyń maqsattary men ádisterin túsindiretin arnaıy is-sharalar qarastyrylǵan.
«DosbolLIKE» baǵdarlamasy mektepterde ár bala ózin qaýipsiz sezinetin qolaıly orta qurýǵa baǵyttalǵan baǵdarlama. Ol oqýshylar arasynda ózara syılastyq pen bir-birine járdemdesý mádenıetin qalyptastyrýǵa yqpal etedi. Pılottyq jobanyń jetistikteri onyń búkil el boıynsha taratylýyna negiz bolady dep kútilýde», — dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.
Baǵdarlama muǵalimderge ádistemelik qoldaý kórsetýdi qamtıdy, bul mektepte dostyq ahýal qalyptastyrýǵa, jalpy klımatty jaqsartýǵa jáne býllıng deńgeıin tómendetýge yqpal etedi. Sonymen qatar, QR Oqý-aǵartý mınıstrligine qarasty «Órken» balalardyń ál-aýhatyn arttyrý ulttyq ǵylymı-praktıkalyq ınstıtýty jaqynda «DosbolLIKE» baǵdarlamasynyń vızýaldy stılin jasaý boıynsha baıqaý ótkizdi. Oǵan túrli nomınasıalar boıynsha 80 joba usynyldy. Úzdik joba avtorlary júldeli oryndardy ıelendi.
Pılottyq baǵdarlama 50 mektepte júzege asyrylýda, olardyń arasynda Abaı, Jetisý, Ulytaý, Atyraý, Almaty, Jambyl, Túrkistan oblystary men Astana jáne Almaty qalalary bar. Baǵdarlamanyń tıimdiligin baǵalaý jáne ony Qazaqstannyń bilim berý uıymdarynda odan ári taratýǵa daıyndalý maqsatynda aprobasıa oqý jylynyń sońyna deıin jalǵasady.