Olar joldar boıynda 855,331 km qorǵanys qorshaýlaryn ornatty.
Ústimizdegi jyly qazaqstandyq mamandar 500 sharshy metrge jýyq aýmaqta jóndeý jumystaryn júrgizýdi kózdep otyr, dep habarlaıdy Almaty-akshamy.kz.
«Bıyl respýblıkalyq mańyzy bar joldardyń 473 myń sharshy metr aýmaǵynda jóndeý jumystary josparlanyp otyr. Jumystar jol tósemin qalpyna keltirý jáne qaýipsizdikti qamtamasyz etýge baǵyttalǵan keshendi-maqsatty baǵdarlama sheńberinde júrgizilýde», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Osylaısha, Almaty oblysynda 60 myń sharshy metr jolda shuńqyrlardy jóndeý jumystary júrgiziletin bolady. Qazirgi ýaqytta jumystar "Almaty - Talǵar - Báıdibek bı", "Almaty – Shelek - Qorǵas" baǵyttary boıynsha óńirdiń negizgi týrısik jáne ekonomıkalyq klasterlerine aparatyn joldarda júzege asyrylyp jatyr.
Qazaqavtojol mamandarynyń aıtýynsha, búgingi tańda 10 myńǵa jýyq jol belgileri men 400-ge jýyq aqparattyq pannony ornatý jáne aýystyrý jumystary bastalyp ketken. Sonymen birge 23 myńnan astam sıgnal beretin baǵanalar ornatý, shamamen 2700 sharshy metr shý jolaqtaryn ornatý josparlanǵan. Kólik júretin joldyń 30 426 shaqyrymyna jol belgileri salynady. Sondaı-aq, kópirlerde 336 metr qorshaýlar, 27 myńǵa jýyq jaryq shaǵylystyrǵyshtar men 290 jol býferleri ornatylýda.
İs-shara barysynda sondaı-aq úı maldarynyń joldyń kólik júretin jolaǵyna shyǵýyna qatysty máseleler kóterildi. Máselen, 2022 jyldyń birinshi toqsanynda 11 jol-kólik oqıǵasy tirkelip, nátıjesinde 15 adam zardap shekken, al úsheýi qaza tapqan. Osyǵan baılanysty kompanıa qyzmetkerleri respýblıkalyq mańyzy bar joldar boıynda 855,331 km qorǵanys qorshaýlaryn ornatty.