Dımash pen onyń ónerine degen qurmet
2022 jyldyń 8 mamyrynda Moviedance nemis radıosynyń efırinde Dımashtyń ánderi alǵash ret shyrqaldy. Radıo júrgizýshisi qazaqstandyq oryndaýshynyń shyǵarmashylyǵyn qalaı tanysqanyn jáne oǵan baǵdarlama arnaýdy sheshkeni týraly aıtty, dep habarlaıdy Almaty-akshamy.kz Dimashnews.com-ǵa silteme jasap.
Nemis radıo júrgizýshisi Florıan Grogoll-óziniń Moviedance radıostansıasyn eki jylǵa jýyq basqarǵan kásibı dıdjeı. Bastapqyda onyń radıosynda fılmderden jáne bı mýzykasynan tanymal saýndtrekter aıtylatyn. Alaıda aýdıtorıadan jaqsy jaýap alyp, Florıan óziniń radıobaǵdarlamasyn arnaıy taqyryptyq saǵattarmen túrlendirdi, olardyń biri Dımash pen onyń týǵan eli – Qazaqstan men mýzykasyna arnady.
Florıan Grogoll Dimashnews redaksıasyna óziniń dosynyń usynystarynyń arqasynda qazaqstandyq oryndaýshynyń shyǵarmashylyǵymen alǵash ret tanysqanymen bólisti.
«Men Dımashtyń oryndaýyn Slaván bazaryndaǵy S.O.S ánimen kórdim, aldymen onyń ándi jandy daýysta oryndaıtynyna sene almadym. Sol kúni men bul qoıylymdy 4 ret qaıta qaradym, sodan keıin oryndaýshynyń ár beıneklıpin kóre bastadym, keıbir ánderde tipti kózime jas keldi», – dep bólisti radıo júrgizýshisi.
Osylaısha, Dimash Fanclub Deutschland fan-klýbymen birlesip saýalnama júrgize otyryp, Florıan qazaqstandyq ártiske arnalǵan óziniń alǵashqy baǵdarlamasy úshin birneshe ándi tańdady.
Efır «Dimash & Igor Special» ataýymen ótti, oǵan Igor Krýtoımen birge jazylǵan Dımashtyń ánderi, sondaı-aq qazaq tilindegi «Samaltau», «Daididau», «Umytylmas kun» jáne «Mahabbat ber magan» birneshe kompozısıasy kirdi.
16 mamyrda Florıannyń taǵy bir «2decks Radio» radıostansıasynda qazaqstandyq ártiske arnalǵan «Dımashtyń úzdigi» atty kezekti baǵdarlama ótedi.