Mańǵystaý oblysyna jumys saparymen barǵan Premer-mınıstr Álıhan Smaıylov osylaı dedi.
Úkimet basshysy óńirdiń áleýmettik-ekonomıkalyq damý barysymen jáne birqatar ónerkásiptik, ınfraqurylymdyq jáne týrısik nysandardyń jumysymen tanysty, dep habarlaıdy Almaty-akshamy.kz
Premer-mınıstr jumys sapary barysynda Kaspıı teńiziniń shyǵys jaǵalaýynda birneshe halyqaralyq kólik dálizderiniń qıylysý núktesinde ornalasqan Aqtaý teńiz saýda portyna bardy.
Portta shyǵystan batysqa, soltústikten ońtústikke jáne keri qaraı Iran, Túrkıa, Reseı jáne Ázerbaıjan baǵytynda júk tasymaldanady. Bul – Kaspııdegi eń iri kólik toraby.
Memleket basshysynyń tapsyrmasy boıynsha Aqtaý portynyń bazasynda keminde 19 ga alańda konteınerlik hab salý josparda bar.
Qurǵaq júk aılaqtarynyń qýatyn ulǵaıtýdy kózdeıtin jobaǵa kóptegen sheteldik kompanıalar qyzyǵýshylyq tanytyp otyr, bul teńiz portynyń konteınerlik park pen servıstiń iri torabyna aınalýyna jol ashady.
«Mańǵystaý oblysynyń halyqaralyq mańyzy bar, aýqymdy kólik-logıstıkalyq jáne ınfraqurylymdyq-servıstik áleýeti zor. Alaıda elimizdiń teńiz porttarynyń múmkindikteri tolyq paıdalanylmaıdy, al júkteme orta eseppen 21%-ti ǵana quraıdy. Bul jaǵdaıdy ózgertý qajet. Indýstrıa jáne ınfraqurylymdyq damý mınıstrligi «Qazaqstan temir joly» AQ-men birlesip, Transkaspıı halyqaralyq kólik baǵyty boıynsha eksporttyq júkterdi baǵyttaý arqyly Aqtaý jáne Quryq teńiz porttarynyń júktemesin ulǵaıtý máselesin pysyqtaýy qajet», - dedi Álıhan Smaıylov.