Osy arqyly jer qunarlylyǵynyń kórsetkishterin anyqtaýǵa bolady.
Aýyl sharýashylyǵynyń mamandary jerdiń sapasyn anyqtaý maqsatynda tekserý jumystaryn júrgizip jatyr, dep habarlaıdy Almaty-akshamy.kz.
«QR Aýyl sharýashylyǵy mınıstrligi elimizdiń agroónerkásiptik keshenin damytýdyń ózekti baǵyttarynyń biri resýrs únemdi eginshilikti damytýdy, jaıylymdardy utymdy paıdalanýdy, jaıylymdardy sýlandyrý jáne olardyń tozýy men shóleıttenýine qarsy kúres jónindegi is-sharalardy júrgizýdi qarastyryp jatyr», - delingen ASHM baspasóz qyzmetiniń habarlamasynda.
Jer resýrstaryn utymdy paıdalaný aýyl sharýashylyǵynda jáne tutastaı el ekonomıkasynda úlken mańyzǵa ıe. Aýyl sharýashylyǵynda ónim alý jerdiń sapalyq jaǵdaıymen, ony paıdalaný sıpaty men jaǵdaıyna tikeleı baılanysty.
Vedomstvo júıeli negizde jerdi topyraqtyq jáne geobotanıkalyq zertteý júrgizedi. 2017 jyldan bastap 2021 jylǵa deıin 33 mln ga alańda aýqymdy topyraq zertteýleri, 33 mln ga alańda geobotanıkalyq zertteýler jáne 30 mln ga alańda topyraq bonıtırovkasy júrgizildi.
Júrgizilgen jumystar qarashiriktiń, jalpy fosfor men azottyń, kalıı men fosfordyń jyljymaly qosylystarynyń quramyn, qyshqyldyǵyn nemese siltiligin, sortańdanýyn, karbonattyǵyn, tuzdanýyn jáne topyraqtyń mehanıkalyq quramyn (jer qunarlylyǵynyń kórsetkishteri) anyqtaýǵa múmkindik berdi, olardy bilý aýyl sharýashylyǵymen aınalysý kezinde qajet.
Derekter negizinde arnaıy atestattalǵan zerthanalarda júrgiziletin muqıat taldaýlar negizinde ázirlengen jerdi utymdy paıdalaný úshin qajetti usynymdar qalyptastyryldy.
Jerdi utymdy paıdalaný jónindegi usynymdar qamtylǵan túsindirme jazbalary bar barlyq materıaldar men derekter odan ári paıdalaný úshin turaqty negizde oblystyq jáne aýdandyq ákimdikterdiń jer qatynastary jónindegi ýákiletti organdaryna beriledi.
Jer resýrstarynyń ónimdiligin saqtaý, ekojúıeniń fýnksıalary men qyzmetterin qoldaý jáne qajettilikterdi qanaǵattandyrý áleýmettik-ekonomıkalyq mindet qana emes, sonymen qatar qazirgi jáne bolashaq urpaq aldyndaǵy jaýapkershilik bolyp tabylady.