1665 jol jumysshysy jumyldyryldy.
Almaty qalasynda 7 aqpan kúni saǵat 02.00-de japalaqtap qar jaýa bastady. Saǵat 13.00-degi jaǵdaı boıynsha, qalada 8-10 sm, taý etegi men taýly aımaqtarda 15-20 sm qar jaýdy, dep habarlaıdy Almaty-akshamy.kz.
Qar jaýa salysymen kóktaıǵaqtyń aldyn alý úshin joldarǵa kóktaıǵaqqa qarsy 1812 tonna materıaldar sebildi.
Jumys tehnologıasyna sáıkes, joldarda kóktaıǵaqty boldyrmaý úshin, kóktaıǵaqqa qarsy materıaldy shashpaı turyp qardy kúreýge tyıym salynady.
Shashylǵan kóktaıǵaqqa qarsy materıal qarmen aralastyrylady, borpyldaq qar massasyn qalyptasqan soń qar tazalaý jumystary bastaldy.
«Qar tazalaıtyn negizgi toptar tańǵy qarbalas ýaqyttan keıin saǵat 9.00-den bastap jolǵa shyqty. Qalanyń joǵarǵy bóliginde qardy tazalaý jumystary saǵat 7.00-den bastap júrgizildi. Tazartylǵan jerlerge kóktaıǵaqtyń aldyn alatyn materıaldar sebildi», - delingen Almaty qalasynyń Turǵyn úı saıasaty basqarmasynyń habarlamasynda.
Budan basqa, qar jaýǵaly beri jaıaý júrginshiler joly, jaıaý júrginshilerge arnalǵan aýmaqtar, qoǵamdyq kólik aıaldamalary, qoǵamdyq oryndar tartyldy.
Qardan tazartý jumysyna 611 birlik arnaıy tehnıka, 205 qumlaqtyrǵysh jáne 1665 jol jumysshysy jumyldyryldy.
Aýdandyq ákimdikter men merdiger uıymdarda qar tazalaý jumystarynyń óndirisin baqylaý úshin táýlik boıy kezekshilik uıymdastyrylǵan.