Jańa zıatkerlik júıe jaqyn arada naryqqa shyǵady.
Qazaqstandyq ǵalym daýystyq habarlamalardy mátinge aýystyratyn qazaq tilinde sóıleýdi taný júıesin oılap tapty, dep habarlaıdy Almaty-akshamy.kz
Jańa júıeni Órken Mamyrbaev oılap tapty. Ol - QR BǴM Ǵylym komıtetiniń Aqparattyq jáne esepteýish tehnologıalar ınstıtýtynyń ǵylymı qyzmetkeri.
«Kazak ASR» zıatkerlik júıesi Telegram áleýmettik jelisinde chat-bot retinde qazirdiń ózinde jumys isteıdi. Joba sonymen qatar tanymal nıderlandtyq Philips kompanıasynyń ónimderine biriktirilip, jaqyn arada naryqqa shyǵady dep josparlanyp otyr. Ázirleme Bilim jáne ǵylym mınıstrliginiń granttyq qarjylandyrýynyń arqasynda ázirlendi», - delingen Bilim jáne ǵylym mınıstrliginiń baspasóz qyzmetiniń habarlamasynda.
Aıta keteıik, Órken Mamyrbaev óziniń ǵylymı qyzmetin memlekettik tildi damytýǵa arnady. Qazir ol jasandy ıntellekt pen esepteýish lıngvısıkaǵa qatysty jobalarmen aınalysyp júr.
«Kazak ASR» daýystyq sıgnaldardy tanyp qana qoımaı, sondaı-aq olardy mátinge aınaldyrady. Ázirlengen júıe Telegram-da chat-bot retinde jumys isteıdi. Júıeni tekserý úshin daýystyq habarlama túımesin basyp turý kerek. Jazý aıaqtalǵannan keıin bot sizdiń daýystyq sıgnaldaryńyzdy mátinge aınaldyrady. Sonymen qatar komandammen birge jınalys nemese kezdesý kezinde qosýǵa bolatyn dybys jazý qurylǵysyn ázirledik. Jınalys aıaqtalǵannan keıin qurylǵy qazaq tilinde hattama daıyndaıdy», - dep aıtty Mamyrbaev.
Qazirgi ýaqytta Philips ónimderine qazaq tilinde sóıleýdi taný tehnologıasyn engizý boıynsha qujat ázirlenip jatyr. Yntymaqtastyq aıasynda qazaqstandyq naryqqa sóıleýdi taný múmkindigi bar Philips Smart Mike Duo mıkrofony usynylady, ol sózdi avtomatty túrde baspa mátinine túrlendiredi. Qurylǵy bir ýaqytta estiletin eki túrli daýysty tanı alady jáne avtomatty túrde mátindi eki túrli arnaǵa túsiredi.
«Philips kompanıasy seriktestik pen ónimdi odan ári jetildirýdi usyndy. Eger algorıtm týraly kezeń-kezeńimen aıtatyn bolsaq, aldymen baǵdarlama kompúterge júkteledi. Sodan keıin mıkrofondy qosamyz. Sóıtip, sóıleı bastaımyz. Qurylǵy eki túrli daýysty avtomatty túrde tanıdy jáne eki bólikte qazaq tilindegi mátinin kórsetedi. Mundaı mıkrofon aqparatty mátin túrinde saqtaý qajet bolýy múmkin jınalystar kezinde hattamalar toltyrý úshin paıdaly», - dep tolyqtyrdy ǵalym.