EKO-ǵa 879 almatylyq áıel kezekte tur.
Byltyr Qazaqstanda «Ańsaǵan sábı» baǵdarlamasy iske qosyldy. Osy baǵdarlama sheńberinde EKO-ǵa kvota sany 7 esege ulǵaıdy, dep habarlaıdy Almaty-akshamy.kz QazAqparatqa silteme jasap.
Onyń ishinde Almatyǵa 2021 jylǵa bólingeni 800-ge jýyq kvota bolsa, 2020 jyly 130 kvota bólingen. Bıyl 845 kvota qarastyryldy.
«Ańsaǵan sábı» baǵdarlamasy aıasynda 2022 jyly 845 kvota bólindi. Birinshi toqsanǵa 759 kvota berildi», - dedi qalalyq densaýlyq saqtaý basqarmasynda.
EKO-ǵa jiberý týraly sheshimdi Almaty qalasy qoǵamdyq densaýlyq basqarmasy janynan qurylǵan arnaıy komısıa qabyldaıdy. EKO-ny áıeldiń ózi tańdaıdy.
Búginde Almaty qalasy boıynsha tegin EKO-ǵa 879 áıel kezekte tur. EKO prosedýrasyna ótinish berý úshin tirkelgen emhanaǵa barý kerek, sol jerde tekserýden ótken soń, prosedýraǵa jiberedi.
Osy baǵdarlama aıasynda pasıent jylyna bir ret EKO jasaı alady.
Búginde elimizde 26 EKO ortalyq jumys isteıdi, onyń 21-i - jekemenshik.
Eske salsaq, Memleket basshysy Qasym - Jomart Toqaevtyń tapsyrmasy boıynsha 2021 jyly elimizde «Ańsaǵan sábı» baǵdarlamasy júzege asty.