İİM tıisti zań jobasyn ázirledi.
Vedomstvo Qazaqstan azamatynyń pasportyn, jeke kýáligin, sheteldiktiń respýblıkada turýyna yqtıarhatty, azamattyǵy joq adamnyń kýáligin, bosqyn kýáligin jáne jol júrý qujatyn resimdeý, berý, aýystyrý, tapsyrý, alyp qoıý jáne joıýdyń jańa qaǵıdalaryn daıyndady, dep habarlaıdy Almaty-akshamy.kz
Oǵan sáıkes jeke basty kýálandyratyn qujattar kelesi derekterdi qamtymaq:
tegin, atyn, ákesiniń atyn (ol bolǵan jaǵdaıda);
týǵan kúnin, aıyn, jylyn jáne jerin;
jynysyn;
qaı ultqa jatatynyn - osy Qaǵıdalardyń 2-tarmaǵynyń 4), 5) tarmaqshalarynda kórsetilgen jeke basty kýálandyratyn qujattarda ıesiniń qalaýy boıynsha;
azamattyǵyn;
fotosýretin;
qujatty bergen organnyń ataýyn;
qujattyń berilgen kúnin, aıyn, jylyn, nómirin, qoldanylý merzimin;
qujattar ıesiniń qolyn;
jeke sáıkestendirý nómirin (bosqynnyń kýáligin qospaǵanda);
16 jasqa tolǵan jáne odan asqan, sondaı-aq "Daktıloskopıalyq jáne genomdyq tirkeý týraly" zańymen belgilengen jaǵdaılarda 12 jastan bastap 16 jasqa deıingi qujat ıesiniń qol saýsaqtarynyń izderin.
"Jeke basty kýálandyratyn qujattardy resimdeý sebebine qaramastan, qujattalatyn (on tórt jasqa tolǵan) adamdardyń turaqty tirkelgenin rastaýdy ýákiletti organ aqparattyq júıeler arqyly alady. Sheteldiktiń elde turýyna yqtıarhatty, azamattyǵy joq adamnyń kýáligin qujattandyrylatyn adam turaqty tirkelgen jerdegi ýákiletti memlekettik organ beredi", - delingen qujatta.
Qazaqstan Respýblıkasy azamatynyń pasporty, Qazaqstan Respýblıkasy azamatynyń jeke kýáligi resimdelgen kúnnen bastap jedeldetilgen tártippen Astana, Almaty, Aqtóbe, Shymkent qalalarynda - bir jumys kúnine deıin, oblys ortalyqtarynda - úsh jumys kúnine deıin, oblystardyń aýdandary men qalalarynda – jeti jumys kúnine deıin beriledi.
Respýblıka azamattarynyń qalaýy boıynsha jeke basty kýálandyratyn qujattar da jedeldetilgen tártippen resimdelgen kúninen bastap úsh jumys kúnine deıin (Astana, Almaty, Aqtóbe, Shymkent qalalarynda) jáne bes jumys kúnine deıin (oblys ortalyqtarynda) beriledi.
Qujatty jarıa talqylaý "Ashyq NQA" portalynda 13 sáýirge deıin jalǵasady.