Almaty qalasynda mektepterdiń birinshi synyptaryna qabyldaý birinshi sáýirde qabyldaý bastalady

Avtor almaty-akshamy.kz
12:00, 31 naýryz 2023

newsroom.kz

Almatyda 2023 jyldyń 1 sáýirinen bastap balalardy birinshi synypqa tirkeý bastalyp, 1 tamyzǵa deıin jalǵasady, dep habarlaıdy almaty-akshamy.kz

Memlekettik orta bilim berý uıymdarynda qabyldaý elektrondyq úkimet portaly arqyly onlaın júzege asyrylady. Bul rette ótinish berýshiniń mektepte bolýy talap etilmeıdi. Ata-analarǵa yńǵaıly bolý úshin qujattardy dástúrli qaǵaz formatynda da berýge bolady. Egov.kz "Elektrondyq úkimet" portaly ótinimderdi qabyldaý jáne balalardy 1-synypqa qabyldaý boıynsha 1 sáýirden bastap qoljetimdi bolady.

Aıta keterligi, memlekettik qyzmet kórsetý Tıptik erejelerge sáıkes júzege asyrylady. Osylaısha, qyzmet kórsetý erejelerine sáıkes ótinishterdi qabyldaý demalys jáne mereke kúnderin qospaǵanda, dúısenbiden jumaǵa deıin júzege asyrylady. Bıyl 1-2 sáýir demalys kúnderine kelgendikten barlyq ótinishter 3 sáýirden bastap qabyldanady.

Bilim berý uıymdary alty jastaǵy balalardy jáne aǵymdaǵy kúntizbelik jyly alty jasqa tolatyn balalardy birinshi synypqa qabyldaýdy bastaıdy. Qabyldaý, daıarlyq deńgeıine qaramastan, mektepke (shaǵyn ýchaskege) qyzmet kórsetý aýmaǵynda turatyn barlyq balalarǵa qoljetimdi bolady.

Sondaı-aq, balalardy ózderiniń shaǵyn ýchaskeleri boıynsha mektepke ǵana emes, bos oryndar bolsa, kez-kelgen basqa memlekettik mektepke de tirkeýge bolady.

Eske salsaq, kórsetiletin qyzmetti alýshynyń mektepke qabyldaý jónindegi qyzmetti alýǵa ótinim berýi úshin turǵylyqty jerin rastaıtyn tirkeý (ýaqytsha nemese turaqty) qajet (tek zańdy ókilder úshin, 14 jasqa deıingi balalarǵa tirkeý talap etilmeıdi).

Birinshi synypqa ótinish berý boıynsha qadamdyq nusqaýlyq:

Ótinim berer aldynda ótinish berýshi turatyn shaǵyn ýchaskeni anyqtaýy tıis. Ótinish berýshiniń qaı shaǵyn ýchaskege jatatynyn Almaty qalasy bilim basqarmasynyń bilimalmaty.kz memlekettik qyzmetter portalynda anyqtaýǵa bolady. Basty bette, «Shaǵyn ýchaskeler kartasy» bóliminde, tirkelý nemese turǵylyqty mekenjaıyn kórsetip, «İzdeý» bólimine ótý kerek jáne qajetti bilim berý uıymyn anyqtaý qajet.

Egov.kz portalyna ESQ (elektrondyq sıfrlyq qoltańba) arqyly nemese sms-paroldiń kómegimen kirýge bolady. Basty bette «Bilim», odan ári «Orta bilim» bólimin tańdap, «Bilim berý uıymdaryna (bastaýysh, negizgi orta, jalpy orta, arnaıy) qujattardy qabyldaý jáne bilim berý uıymyna qabyldaý» bólimine ótý kerek. «Qyzmetke onlaın tapsyrys berý» batyrmasyn basý. «Qujattardy qabyldaý jáne bilim berý uıymyna qabyldaý» ótiniminiń túrin tańdap, telefon nómirin, elektrondyq poshtany kórsetý qajet. Ári qaraı, kimnen ótinish beriletinin tańdaý kerek. «Balany tańdaý» batyrmasyn basyp, paıda bolǵan tizimnen mektepke túsetin balany tańdaý qajet.

Ári qaraı, oqý formasyn, synypty, aımaqty, aýdandy, bilim berýdi uıymdastyrýdy, oqytý tilin tańdaý kerek. Ótinimdi toltyryp, balanyń 3h4 sm mólsherindegi sıfrlyq fotosýretin, № 063/ý jáne № 026/ý-3 nysandaǵy densaýlyq jaǵdaıy týraly qujattardyń elektrondyq kóshirmelerin júktegen jón. Júkteletin qujattardyń jalpy kólemi 1 Mbaıttan aspaýǵa tıis.ESQ ótinimine nemese sms-paroldiń kómegimen qol qoıý (mobıldi azamattar bazasynda tirkelý mindetti).

Sondaı-aq, ata-analar úshin «Qujattardy qabyldaý jáne bilim berý uıymdaryna qabyldaý (bastaýysh, negizgi orta, jalpy orta, arnaıy)» qyzmetin qalaı alýǵa bolatyndyǵy týraly beınerolıkti https://youtu.be/a3mfnGjELcc siltemesi boıynsha kórýge bolady.

Memlekettik qyzmet kórsetý merzimi -1 jumys kúni. Jeke kabınette («Qyzmetterdi alý tarıhy» bóliminde) kórsetilgen ýaqyt ishinde kelip túsetin óz ótinimińizdi óńdelýi týraly habarlamamen tanysý qajet.

Qaǵaz túrinde ótinish bergen kezde mektepke kelesi qujattardy usyný qajet:

1) balanyń ata-anasynyń nemese ózge de zańdy ókilderiniń ótinishi;

2)jeke basyn kýálandyratyn qujat (sáıkestendirý úshin túpnusqasy talap etiledi, ol kórsetiletin qyzmetti alýshyǵa qaıtarylady);

3)medısınalyq anyqtamalar (№065/ý jáne 026/ý-3 nysandary);

4) balanyń ólshemi 3h4 sm kólemindegi eki dana fotosýreti.

1-synypqa balalardy qabyldaý máseleleri boıynsha jedel jeli telefondary arqyly habarlasýlaryńyzdy suraımyz: