Bolat Nazarbaev «Barys» avtokólik bazarynan aırylyp qalýy múmkin, dep habarlaıdy Almaty-akshamy.kz «Pátyı regıon» basylymyna silteme jasap.
Qarasaı aýdanynyń sotynda prokýratýra, jergilikti ákimdik jáne Bolat Nazarbaev arasynda talqylaý júrip jatyr.
Qarasaı aýdanynyń prokýratýrasy jalpy aýdany 35 gektardan asatyn jer ýchaskelerin satyp alý-satý sharttaryn jaramsyz dep tanýdy talap etedi. Sebebi bul ýchaskeler «sýarmaly egistik» aýyl sharýashylyǵy maqsatyndaǵy jerlerge jatqyzyldy, al Jer kodeksine sáıkes, aýyl sharýashylyǵy alqaptary erekshe qorǵalýǵa jatady. Nysanaly maqsatyn ózgertýge eshqandaı negiz joq, jol berilmeıdi.
Jerdi berý faktisinde óreskel buzýshylyqtar oryn aldy. Sondyqtan prokýrorlar satyp alý-satý sharttaryn jaramsyz dep tanýdy jáne olardy memleket menshigine qaıtarýdy talap etti.
2004 jyldan 2019 jylǵa deıin jer ýchaskelerin satyp alý-satý boıynsha jeti shart jasalǵan.