Estonıanyń Tartý qalasynda kórkem gımnastıkadan álem kýbogynyń kezeńi aıaqtaldy.
Saıysqa 29 eldiń kórkem gımnasshysy qatysty. Atalǵan synda qazaqstandyq Eljana Tanıeva kúmis júldeger atandy, dep habarlaıdy Almaty-akshamy.kz Elorda.info saıtyna silteme jasap.
Qazaqstandyq gımnast shyǵyrshyqpen jattyǵýda kúmis medal jeńip aldy. Ol atalǵan baǵdarlamada 33,8 upaı jınap, ekinshi orynǵa taban tiregen. Bul – Eljananyń bıylǵy maýsymda jeńip alǵan alǵashqy júldesi. Bul básekede ýkraınalyq Vıktorıa Onoprıenko jeńiske jetse, qolany bolgarıalyq Eva Brezalıeva ıelendi.
Sondaı-aq Tanıeva urshyq jáne taspamen jattyǵýdan fınalǵa shyqqan bolatyn. Urshyqpen jattyǵýda Eljana júldege qol sozym jerden toqtap, tórtinshi oryn aldy. Al shyǵyrshyq jattyǵýynda alǵashqy altylyqqa endi. Kópsaıys qorytyndysy boıynsha ol toǵyzynshy orynnan kóringen.
Aıta ketelik, Eljana Tanıeva bıyl urshyqqa arnalǵan baǵdarlamasyn Shakıranyń áıgili «Loca» ániniń yrǵaǵymen oryndaıdy. Tartýdaǵy álem kýbogine 29 elden gımnastar qatysqan.