Shamamen osyndaı mólsher bir aı boıy qabyldanatyn edi.
Qazaqstanda bir kún ishinde reseılikter JSN alýǵa 13 myń ótinish bergen, - dep habarlaıdy Almaty-akshamy.kz
«Reseı azamattary beırezıdent JSN-in alý úshin HQKO-larǵa jappaı ótinim berip jatyr. Nátıjesinde júktemeniń artýy baıqalady. Qazaqstanda ýaqytsha bolatyn sheteldikter men azamattyǵy joq adamdarǵa JSN qalyptastyrý qyzmeti «Azamattarǵa arnalǵan úkimet» jáne sheteldik mekemeler arqyly kórsetiledi», - dedi sıfrlyq damý, ınovasıalar jáne aeroǵarysh ónerkásibi vıse-mınıstri Áset Turysov.
Onyń aıtýynsha, JSN bir jumys kúni ishinde daıyndalady, beırezıdenttiń tólqujaty bolýy qajet, kórsetiletin qyzmetti alýshynyń ókili júgingen jaǵdaıda notarıaldy kýálandyrylǵan senimhat qajet.
«Qazirgi ýaqytta JSN alý úshin reseılikter aǵyny Astana, Almaty jáne shekaralas qalalarda kóp baıqalady. Keshe ǵana elimiz boıynsha 13 myńnan asa ótinim qabyldandy. Shamamen osyndaı mólsher bir aı boıy qabyldanatyn edi», - dep qosty ol.
Sheteldik azamattarǵa qyzmet kórsetý úshin SDIAÓM Astana men Almatyda, sondaı-aq Qostanaı, Batys Qazaqstan, Soltústik Qazaqstan, Pavlodar, Aqtóbe jáne Aqmola oblystarynda jekelegen HQKO-lar jumysyn kúsheıtý týraly sheshim qabyldaǵany aıtylǵan edi.