Qujat jobasy qoǵam bolyp talqylaý úshin Ashyq NQA saıtynda jarıalandy.
QR Sıfrlyq damý, ınovasıalar jáne aeroǵarysh ónerkásibi mınıstrligi «Qazaqstan Respýblıkasyndaǵy merekelik kúnderdiń tizbesin bekitý týraly» úkimettiń 2017 jylǵy 31 qazandaǵy № 689 qaýlysyna ózgerister men tolyqtyrýlar ázirledi, dep habarlaıdy Almaty-akshamy.kz
Mınıstrlik mynandaı mereke kúnderin belgileýdi usyndy:
Baılanys qyzmetkerleri kúni – 17 mamyr;
Sıfrlandyrý jáne aqparattyq tehnologıalar qyzmetkerleri kúni – 10 qarasha;
Energıa únemdeý kúni – 11 qarasha.
Qujatta túsindirilgenindeı, Sıfrlandyrý jáne aqparattyq tehnologıalar qyzmetkerleri kúnin tizimge engizý kásibı qoǵamdastyqtyń biryńǵaı salasyna jatatynyn sezinýge múmkindik berip, korporatıvtik mádenıettiń odan ári damýyna yqpal etedi.