Grýzıada EuPhO Eýropalyq fızıka olımpıadasy aıaqtaldy. Nátıjesinde qazaqstandyq oqýshylar taǵy tórt medal ıelenip, jeńis qorjynyn tolyqtyrdy.
Bul týraly QR Oqý-aǵartý mınıstrliginiń baspasóz qyzmeti habarlady.
Qazaqstan komandasynyń quramynda:
Bekasyl Elýbaı – Almaty qalasy FMB NZM 11-synyp oqýshysy;
Áltaır Aqanov – Astana qalasy RFMM 10-synyp oqýshysy;
Nurgúl Egenbergenova – N.Nurmaqov atyndaǵy Qaraǵandy oblystyq mamandandyrylǵan mektep-lıseı-ınternatynyń 9-synyp oqýshysy;
Nurasyl Barlybaev – Atyraý qalasynyń № 1 «Bilim-Innovasıa» mektep-ınternatynyń 10-synyp oqýshysy.
Anyqtama úshin: Eýropalyq fızıka olımpıadasy joǵary synyp oqýshylary arasynda ótkiziledi. 2023 jyly elimizdiń komandasy 1 kúmis, 2 qola jáne 1 Qurmet gramotasyn jeńip alǵan bolatyn.