Qazaqstan 2024 jyldyń 9 aıynda $471 mln-ǵa IT-qyzmetterdi eksporttady. Bul týraly Úkimet otyrysy barysynda sıfrlyq damý, ınovasıalar jáne aeroǵarysh ónerkásibi mınıstri habarlady.
Onyń aıtýynsha, bul kórsetkish 2023 jyldyń sáıkes kezeńimen salystyrǵanda 26%-ǵa artyq. Degenmen, 2024 jyldyń qorytyndysy boıynsha odan da joǵary sandar kútilýde. Vedomstvonyń boljamy boıynsha, IT-qyzmetter eksportynyń somasy shamamen $700 mln-dy quraýy múmkin.
Qazaqstannyń IT-eksportyn ilgeriletýde Astana Hub basty ról atqarady. Ondaǵy rezıdentter sany 1,5 myń kompanıadan asty, onyń ishinde 400-i halyqaralyq kompanıa. Olardyń jalpy kirisi 2024 jyly 620 mlrd teńgeni qurady. Bul rette eksporttan túsetin tabys – 227 mlrd teńge, ıaǵnı $479 mln.
Astana Hub rezıdentteriniń eksporttyq geografıasy 90-nan astam eldi qamtıdy. Astana Hub rezıdentterinen basqa «Ulttyq aqparattyq tehnologıalar» AQ-nyń GovTech ónimderi alǵash ret eksportqa shyqty. Mundaı sheshimderdiń qataryna Smart Data Ukimet, Smart Bridge jáne IRBP veb-saıt qurastyrýshysy kiredi.