Orman tálimbaqtaryn qurý jáne ruqsat etilmegen qoqys úıindilerin joıý jumystaryn jandandyrý: Premer-mınıstr «Taza Qazaqstan» aksıasy aıasynda birqatar tapsyrma berdi, dep habarlaıdy aqshamnews.kz
Prezıdenttiń bastamasymen iske qosylǵan «Taza Qazaqstan» ekologıalyq aksıasyn iske asyrý máselesi boıynsha Úkimet otyrysy aıasynda Premer-mınıstr birqatar tapsyrma berdi:
- Jergilikti atqarýshy organdar óz óńirlerinde orman pıtomnıkterin quryp, aǵash kóshetteriniń jersinip ketýin qamtamasyz etsin;
- Ákimdikterge turmystyq qaldyqtardy óńdeıtin jańa polıgondar men zaýyttar ashyp, ruqsat etilmegen qoqys úıindilerin joıý jáne aldyn alý jumystaryn ýaqtyly júrgizý mindeti qoıyldy;
- Ekologıa jáne tabıǵı resýrstar, Sıfrlyq damý, ınovasıalar jáne aeroǵarysh ónerkásibi mınıstrlikterine stıhıalyq qoqys oryndaryn anyqtaý úshin elimizdiń aýmaqtaryn ǵaryshtyq baqylaýmen qamtýdy jáne merzimdi tekserýdi ulǵaıtý tapsyryldy;
Mádenıet jáne aqparat, Oqý-aǵartý, Ǵylym jáne joǵary bilim mınıstrlikteri qorshaǵan ortany saqtaý jáne halyqtyń ekologıalyq mádenıetin arttyrý salasyndaǵy tárbıelik jáne túsindirý jumystaryn kúsheıtsin.