Almaty oblysynyń Talǵar aýdanynda polısıa qyzmetkerleri 41 bas usaq maldy urlady degen kúdikpen 43 jastaǵy jergilikti turǵyndy ustady.
Tergeý barysynda kúdiktiniń kórshiles sharýa qojalyǵynda malshy bolyp jumys istep júrip, bul qylmysty aldyn ala josparlaǵany anyqtaldy, dep habarlaıdy aqshamnews.kz Polisia.kz-ke silteme jasap.
– Ieleriniń ýaqytsha bolmaǵanyn paıdalanǵan kúdikti maldy urlap, olardy satýǵa aldyn ala satyp alýshymen kelisim jasaǵan. Qylmysyn tezirek júzege asyrý úshin ol kóligi buzylǵanyn aıtyp, aldap, eger satyp alýshy janýarlardy tasymaldaýǵa kómektesse, baǵany tómendetýge ýáde bergen. Urlanǵan maldyń Jambyl aýdanyndaǵy mal bazarynda satylǵany belgili boldy, – dep habarlady polısıa ókilderi.
Atalǵan fakti boıynsha qylmystyq is qozǵalyp, kúdikti ýaqytsha ustaý ızolátoryna qamaldy. Óńirlik polısıa departamenti mal ıelerin qaýipsizdik sharalaryn qatań saqtaýǵa shaqyrady. Mal jaıýdy tek senimdi adamdarǵa tapsyryp, jaıylymdarda táýlik boıy baqylaý uıymdastyrýdyń mańyzdylyǵyn atap ótti. Sondaı-aq, kez kelgen kúmándi jaǵdaılar týyndaǵan jaǵdaıda dereý polısıaǵa habarlasý qajettigin eskertti.